PN Konkorda TL Hakotu Tratadu CMATS Ho Australia

DILI – Reprezentante povu iha Uma Fukun Parlamentu Nasional (PN) konkorda Timor Leste hakotu tratadu CMATS ho Australia, tanba Timor Leste buka difinisaun direitu tuir lei Internasional.

Tratadu CMATS neebe asina 12 de Janeiru 2006 iha Sydney Australia, entre Ministru Negosiu Estranjeiru Timor Leste Jose Ramos Horta, ho Ministru Negosiu Estranjeiru Australia Alexandre Downer.

Tratadu CMATS neebe asina entre Governu TL ho Australia nee kolia konaba esplorasaun kampu greate sunrise, no iha artigu sanuluh resin rua hateten, parte Governu husi nasaun rua nee sei lakolia asuntu freonteira maritime to tinan lima nuluh.

Maibe iha tratadu nee nia laran mos iha artigu 12.1 hakerek dehan, se kuandu iha tinan neen (6) nia laran, Governu rua laaprova planu dezenvolvimentu greater sunrise, entaun akordu nee sei anuluh rasik nia aan.

Nunee mos iha artigu 12.2 mos hateten dehan, se kuandu Governu rai rua aprova no asina ona planu dezenvolvimentu nee, maibe durante tinan sanuluha laiha produsaun kampu greater sunrise, entaun akordu nee sei anuluh rasik nia aan.

Enkuantu CMATS nee mate tiha ona, tanba liu tiha ona tinan neen, no tratadu nee mate iha loron 12 Janeiru 2013, tan nee maka TL iha direitu husu fila fali fronteira maritime hanesan nasaun soberanu neebe maka independente.

Tuir membru PN husi bankada CNRT Arao Noe hateten, Parlamentu Nasional konkorda opsaun sa ida deit, maka Governu halo enrelasaun ba hapara kontratu ho CMATS, tanba ema hotu hatene Governu maka hala knar I mos iha hela ekipa negosiasaun ida ba delimitasaun fronteira maritime.

Hau hein katak Timor oan hotu hotu tenke fo apoia ba komisaun nee, I saida deit maka desizaun foti enrelasaun ba negosiasaun nee ita hotu tenke apoia, tanba ita hakarak buka direitu, tuir lei internasional hateten,” dehan deputadu Arao ba STL, iha PN, Dili, Segunda (20/02/2017).

Hakotu tratadu CMATS ho Austalia tuir deputadu Arao katak, sei lafo impaktu ba Timor Leste, tanba hapara enrelasaun ho ninia servisu, mais nia kontratu ho kompana sira manten. Carme Ximenes

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...