PN Preokupa Ho Timor Oan Iha Inglatera

DILI-Reprezentante povu iha Uma Fukun Parlamentu Nasional (PN), preokupa ho Timor oan neebe maka halao servisu iha Nasaun Inglatera, tanba nasaun nee haketak aan husi Uniaun Europeia.

Deputadu bankada CNRT Cesar Valente afirma katak, hanesan reprezentante povu preokupa ho maluk Timor oan sira neebe maka halao hela servisu iha neeba, tanba tuir informasaun neebe maka fo sai katak, Inglatera haketak aan ona husi Uniaun Erepoia.

Hau nia preokupasaun kuandu Inglatera sai husi Uniaun Europeia signifika katak buat hotu hotu bele mos renova, entaun bele fo impaktu ba Ita nia sidadaun Timorense neebe iha pasaporte rua Timor ho Portugal,” dehan deputadu Casar ba STL, iha PN, Dili, Segunda (27/06/2016).

Nasaun Inglatera tuir deputadu Cesar, sai husi Uniaun Eurepoia ho razaun barak, tanba ho Uniaun Eurpeia buat hotu livre ema hotu-hotu butuk hotu iha neeba, ho nunee afeita makas ba sira nia ekonomia politika.

Iha fatin hanesan Vise bankada Fretilin Francisco Miranda Branco hateten tuir nia hanoin impaktu, tanba durante nee, fasilidade tama iha Uniaun Europeia nee, siddaaun Timor Leste kaer pasaporte Portugal.

Entertantu tuir informasaun neebe maka sai iha media internet katak, nasaun inglatera halo ona referendum hodi haketak aan husi Uniaun Europeia. Nunee mos Primeiru Ministru Inglatera David Cameron husu rejigna aan husi nia kargu hanesan Primeiru Ministru, hafoin populasaun Inglatera deside haketak aan husi Uniaun Erepoia, iha Sesta (24/06/2016). Informasaun kompletu iha STL Jornal no STL Web, edisaun Tersa (28/6/2016). Carme Ximenes

LEAVE A REPLY

Please enter your comment!
Please enter your name here