Dili– Membru deputadu iha Parlamentu Nasional (PN) preokupa ho relatoriu nebee mak Primeiru Ministru Kay Rala Xanana Gusmão hato’o ba Komisaun Anti Korupsaun (KAK).
Deputadu husi Bankada Fretilin, Inacio Morreira Ba STL Iha Uma Fukun PN hateten dokumentus nebe entrega husi Primeiru Ministru Kay Rala Xanana ba KAK, nudar deputadu senti preokupa, tanba tuir lolos KAK mak halo investigasaun ba kazu ruma.
“iha informasaun nebe’e los duni hanesan kazu ida nebe’e ke akontese maka kleur ona nebe’e mak durante ne’e deputadu sira sempre koalia bebeik, mak hanesan sosa kama ba iha ita nia hospital Dili, tanba ne’e iha problema tanba kama sira ne’e mos sosa tuir lolos laiha prosesu aprovijionamentu nebe’e ke los no espesifikasaun kama hirak ne’e mos la los, e los duni prosesu investigasaun mos lao, tanba KAK mos buka ona dadus sira ne’e para atu verifika lolos, maibe Sr PM mak hato’o fila-fali relatoriu inrelasaun ba iha kazu refere, ida ne’e mak ita preokupa, hau la hatene tanba saida mak Sr Primeiru Ministru rasik mak Prubidinsia relatoriu hirak ne’e, hau nia hanoin husik hela KAK halo sira nia servisu,” dehan deputadu Inacio ba STL iha uma fukun PN Segunda (8/7).
Nune’e mos deputada bankada Frenti Mudansa, Maria Adozinda Pires hateten PM Xanana hanesan xefi governu, nia mak responsavel ba membru governu, kuandu hare ba lei nebe’e mak iha, tuir nia hanoin Ministra Finansas seidauk halo ou foti desizaun kontra lei, tanba hare ba lei aprovijionamentu nian. Informasaun kompletu iha STL Jornal no STL Web, edisaun Tersa (9/7). Jasinta Sequira/Madalena Horta