DILI-Parlamentu Nasional (PN) sei kria lei Anti Korrupsaun atu haforsa Komisaun Anti Korupsaun (KAK), hodi halo investigasaun no kapturasaun ba Sidadaun sira nebe mak deskonfia Komete Krime Korupsaun no Maladministrasaun.
Informasaun ne’e fo sai husi Vise Presidente Komisaun A asuntu Konstituisaun, Justisa, Administrasaun Poder Lokal, no Anti-Korrupsaun Arao Noe de Jesus katak Parlamentu Nasional laos laiha vontade atu loke diskusaun ba lei Anti Korupsaun, maibe sei presiza halo prosesu kosultasaun.
Hau sente korrupsaun iha TL makas maibe KAK mak seidauk iha forsa hodi kaer no investiga tanba ne’e ami komisaun A sei esforsu aan hodi diskute lei anti korupsaun bele haforsa lalais KAK, dehan Arao ba Jornalista Foin lalais ne’e Iha PN.
Iha fatin hanesan Vise Presidente PN, Adriano do Nacimento hatete, komisaun A konsulta malu atu hamosu lei Anti Korupsaun iha tempu besik, haforsa Komisaun Anti Korupsaun hodi halao nia kna’ar. Informasaun kompletu iha STL Jornal no STL Web, edisaun Sesta (21/2/2014). Timotio Gusmao