DILI-Prezidente Komisaun G nebe’e trata Asuntu Etika iha uma fukun Parlamentu Nasional (PN), Deputadu Mateus de Jesus hateten, Bainhira Tribunal fo livre ona ba iha Frakncisco da Costa Borolaco, Membru parlamentu Nasional (PN) sei la haruka tan karta ba nia, no nia sei halao fila-fali ninia knar hanesan bai-bain.
Deputadu Mateus hateten bainhira Tribunal fo livre ona ba Sekretariu Estadu Fortalesementu Institusional Francisco da Costa Borolaco, maka Parlamentu Nasional sei la haruka tan karta, maibe governu mak sei koloka nia nafatin, durante prosesu iha Tribunal, Parlamentu suspende deit husi nia kargo.
Governu mak sei koloka, nia nafatin iha direitu, tanba ita suspende deit, nebe’e la presiza PN atu halo fali karta ba nia, tanba nomeasaun membru governu ne’e la PN ida, nebe’e xefi governu mak nomeia no hare, e se ninia prosesu ne’e hotu ona, entaun xefi governu mak bele haruka katak, kontinua ona servisu,e PN so bele hasai deit ninia imunidade hanesan ema sidadaun bai-bain hodi bele ba simu prosesu nebe’e mak iha, maibe knar tomak iha xefi governu nia liman, dehan Deputadu Mateus ba STL iha uma fukun PN, Segunda (29/07).
Antes ne’e, Tribunal Distrital Dili liu husi leitura Akordaun Absolve Francisco da Costa Borolaco husi Krime Abuza Poder nebe Ministeriu Publiku Akuza. Informasaun kompletu iha STL Jornal no STL Web, edisaun Tersa (30/7). Jasinta Sequeira
