DILI- Atu reforma Polisia tuan nebe uluk sai ona Polisia (ou Eis polri), husi Comando Polisia Nasional Timor Leste (PNTL) rasik konfirma ona ho F-FDTL, hein hela Lei nebe aprezenta ba iha konselu Ministru, karik halo revisaun ona maka sira halo reforma ba ema nebe tinan bo’ot.
Tuir segundu Komandante PNTL, Komisariu Afonso de Jesus katak lei iha ona atu reforma ema nebe tinan bo’ot bele reforma, maibe tuir juridiku sira katak lei ne’e rasik seidauk forte, tamba ne’e sira sei hare didiak lei ne’e.
Hau hanoin PNTL mos hanesan nee hotu tamba Lei Ministeriu Solidaridade nian hateten ona katak semak nia tinan bot ona hakarak atu deskansa maka tenke halo rekerementu husu atu reforma, maibe ema ema Juridiku sira hare katak Lei nee la forte no hau mos halo hare ida hanesan nee ladun diak, tan nee maka atu halo Lei ida hanesan statute atu nuee aban bain rua ita hare, semak idade bot ona maka bele reforma liu liu ema nebe tinan 60 ba leten, dehan Afonso ba STL Kuarta (16/10/2013), iha nia knar fatin Kuartel Jeral Caicoli Dili.
Nia informa liu tan katak hare ba ekonomia nee lao seidauk maksimu, ema hotu seidauk bele atu reforma, tamba nee presiza estatutu PNTL nebe propriu atu nunee bele koalia konaba ferorma, no reforma nee ba ema idade hira, tan nee maka presiza Lei estatutu atu nunee bele lao tuir. Informasaun kompletu iha STL Jornal no STL Web, edisaun Kinta (17/10). Madalena Horta