DILI—Polisia Nasional Timor Leste (PNTL), halo kapturasaun ba farda militar hosi grupo komandante labarik ho total hitu nulo resin hat (74).
Kapturasaun ba farda militar ne’e bazeia ba iha operasaun nebe’e maka Komandu PNTL liu hosi komando PNTL Distrito Baucau halo ba farda military, neb’e maka grupo komandante labarik sira uja, hodi halao atividade iha komunidade nia le’et iha distrito Baucau.
Oras ne’e liu hosi operasaun nebe’e maka komandu PNTL distrito Baucau halo, konsege kaptura farda militar hamutuk 74 husi komadante labarik nia grupo inklui komandante labarik rasik. Mas komadante labarik rasik oras nee iha ona prosesu Ministeriu Publiko, distrito Baucau, hodi prosesa tuir lei nebe’e hasai ona ba komadante labarik, dehan Komandante PNTL distrito Baucau, superintendente xefi, Jose Neta Mo’ok ba jornalista sira iha Akademia PNTL Komoro Dili, Kuarta (19/02/2014).
Nia hatutan ema nebe’e durante ne’e uja farda iha komunidade nia le’et iha distrito Baucau, maka komadante labarik rasik ho nia grupu. Maibe grupu sira seluk oras nee laiha, tanba nee operasaun ba farda kontinua lao’o.
Iha parte seluk komadante operasaun nasional superintedente xefi, Armando Monteiro hateten operasaun ba farda militar kontinua lao’o, atu nune’e ema sivil labele uja fali farda militar iha komunidade nia let. Informasaun kompletu iha STL Jornal no STL Web, edisaun Kinta (20/2/2014). Sonia Ferreira