DILI—Membru Polisia Nasional Timor Leste (PNTL), hamutuk atus walu resin ida (801), entrega hikas sira nia Atributu Arte-Marsiais ba komandu PNTL no Sekretariu Estadu Seguransa (SES). Sermonia ne’e halao’o iha Kaurtel Jeral PNTL ho parada militar.
Sermonia entrega atributu artemarsiais husi membru PNTL ba komando PNTL ne’e hatudu katak, membru PNTL sira kumpri duni rejolusaun governu nebe’e hasai iha tinan kotuk, katak memebru PNTL nebe’e maka involve iha grupu Arte-Marsiais tenke entrega hikas sira nia atributu ba komando, hodi bele kria paz no estabilidade iha rai laran.
Iha diskursu Komadante Jeral PNTL, komisariu Longuinhos Monteiro, hateten, sermonia ne’e bazeia ba rejolusaun governu iha 2013 katak membru PNTL sira tenke kumpri rejolusaun governu, hodi hatudu sira nia spiritu ba paz no estabilidade iha rai laran.
Iha desizaun interna nebe’e maka foti entre membru PNTL, desizaun ida nebe’e maka ita hotu halo, liu-liu kumprimisiu nebe’e memebru PNTL hotu foti, hodi lori konsekoensia nebe’e diak, rejultadu diak ba ita nia estabilidade, dehan Longuinhos iha nia diskursu, iha Kuartel Jeral PNTL, Caicoli Dili, Kuarta (15/01/2014).
Total Atributu husi organizasaun PNTL hamutuk 654, KORK 243, no husi Kera Sakti 96. Husi total numeru sira nee inklui feto 11, no mane 982. sermonia nee lao’o diak no hetan partisipasaun husi bainaka sira hanesan reprejetante forsa F-FDTL, reprejetante joventude Timor Leste, ONG Fundasaun Mahein, inklui membru PNTL no Sekretariu Estadu Seguransa. Informasaun kompletu iha STL Jornal no STL Web, edisaun Kinta (16/1/2014). Sonia Ferreira-Carme Ximenes