DILI—Bazeia ba rezolusaun nebe’e maka governu hasai hodi halo kapturasaun ba farda militar nebe’e grupu illegal balun uja hodi hatauk komunidade sira iha Distrito Baucau, maka husi operasaun ne’e, Polisia Nasional Timor Leste (PNTL) konsege kaptura grupu nebe lidera husi Komandante Labarik.
Iha loron Kuarta (04/12/2013) ho operasaun nebe’e halao’o husi komandu PNTL Distrito Baucau, konsege kaptura grupu illegal nebe’e maka lidera husi komadante labarik hamutuk nain 74 kompletu ho farda militar.
Ema sira nee mai komadante labarik lalin husi distrito 13, maibe’e PNTL konsege kaptura no ema sira nebe’e maka tuir grupu komadante labarik, sira husu hakarak fila fali ba iha sira nia distrito, nune’e mos komandu PNTL haruka komadante distrito sira tau mos responsalve hodi haruka tula fila fali ema sira nee, hodi fila fali ba iha sira nia distritu idak-idak, dehan komadante Jeral PNTL, Komisariu Longuinhos Monteiro, ba jornalista sira iha Kuartel Jeral PNTL Kaikoli Dili, Sesta (06/12/2013).
Longuinhos hatutan, PNTL kontinua halao’o nafatin operasaun laos iha distrito Baucau deit, maibe’e operasaun nee komandu distrittais sira hotu, kontinua halo operasaun iha sira nia distrito, liu-liu atu hodi kontrola mos grupu illegal nebe’e maka hakarak uja farda military.
Nune’e komadante PNTL distritu Baucau, superintedente xefi Jose Neta Mook hateten farda nebe’e maka kaptura husi grupu, lidera husi komandante Labarik iha distritu Baucau, oras ne’e entrega ona ba Ministeriu Publiku atu hodi halo prosesu. Informasaun kompletu iha STL Jornal no STL Web, edisaun Segunda (9/12/2013). Sonia Ferreira