Politika Agora Laos Tuda Malu, Maibe Atu Hadia Nasaun

DILI- Luta agora nee laos atu tuda malu maibe luta agora nee oinsa mak atu lori nasaun nee sai diak, liu husi juventude ida neebe mak presta nia estudu no nia hanoin tomak ba rai ida nee.

Informasaun nee fo sai husi Deputada husi Bnakada Fretilin, Josefa Alvares Pereira Soares ba STL iha uma fukun Parlamentu Nasional (PN)-Dili, Sesta (30/09/2016).

Adversariu politiku los, inimigu politik los, maibe laos inimigu politik ida neebe estraga idea bele diversa (diferente), nee mak adversariu politik nee atu hadia laoS atu fahe malu,” Deputada husi Bnakada Fretilin nee dehan.

Josefa haktuir, demokrasia nee fo fatin ba ema hotu-hotu atu halo asosiasaun atu harii partidu, atu bele koalia no atu reklama nia direitu maibe tenke ho responsabilidade. Nia afirma, se partidu balun neebe mak serang malu ho emosional nee labele, kada partidu politiku sira mak tenke konsiensializa nia juventude ida hadomi paz, hadook-an husi violensia, uza liafuan neebe proprio halao politika.

Iha sorin seluk, Diretor Ezekutivu Asosiasaun HAK, Manuel Monteiro dehan, partidu politiku neebe mak ejiste iha Timor Leste laos hanesan partidu maibe hanesan partidu eleitoral, tanba durante nee sira lahalo atividade edukasaun sivika ba nia membru sira ikus, maibe kontinua baku malu. Informasaun kompletu iha STL Jornal no STL Web, edisaun Sabado (1/10/2016). Raimundo S. Fraga

LEAVE A REPLY

Please enter your comment!
Please enter your name here