DILI—Ministeriu Edukasaun (ME), iha ninia kompremisu politika, hahu husi 2012 to’o 2017 sei hari tan eskola 150 ba Ensino Eskolar iha teritoriu Timor laran tomak, atu bele ajuda labarik sira husi tinan 3 to’o 5 atu bele eskola.
“Ami husi ministeriu servisu makaas hela esino eskolar, atu hare uma eskola atu atu bele ajuda ba labarik oan sira ba tinan kiik liau maka husi tinan 3 ba to tinan 5,” hatete Ministru Edukasaun, Bendito Freitas liu husi sarumutuk ho parseiru dezenvolvementu, iha eis Merkado Lama, Dili.
Espera katak bele partisipa to’o 2017, uma eskola 250 bele hari hotu ona. Kona ba krikulum, no Infra-Estrutura, governu ida ne’e mos iha nia politika no planu asaun ne’ebe dezeina tiha ona. Ida ne’ebe la tama iha lista tanba orsamentu, maibe kona ba planu sei lao nafatin.
Alende ne’e, Sekretáriu Estadu Negósiu Estranjeiru, Francisco Almeida Leite foin lalais ne’e mos entrega ofisialmente manuál ba ensinu sekundáriu Timór ba Ministru Edukasaun, Bendito Freitas ne’ebé elabora husi Universidade Aveiro. Informasaun kompletu iha STL Jornal no STL web, edisaun Sabado (22/6). Oscar Salsinha
