Politiku Sira Tenke Hanoin Povu

DILI, STLNEWS.co – Relasiona ho komemorasaun loron 28 Novembru, Prezidente Bankada FRETILIN, Deputadu David Dias Ximenes alias Mandati, husu ba lider politiku sira bele iha diferensia politika, maibe tenke hanoin povu.

Tuir Mandati, relasiona ho loron 28 Novembru nian, pesoalmente gosta haree fali ba kotuk aprende ita nia istoria.

“Nee duni politiku sira bele iha diferensia, mais hanoin ba povu nee tanba kuandu karau boot tuku malu maka kiik oan sira terus no mate, entaun tenke hanoin to’o ida nee, ita bele halo politiku mos ho moral oituan para labele halo terus tan povu,” dehan nia ba STL iha Parlamentu Nasional, Kuarta nee (24/11/2021).

Nia dehan, fiar katak ema hotu – hotu bele hatene saida maka nia bele halo, i kuandu laiha dialogu, ema sira neebe kontra dialogu nee sira nia hanoin maka lakon ona karik, tanba ho dialogu maka bele.

Iha fatin hanesan, Deputadu Bankada CNRT, Domingos Carvalho hatete,  “28 Novembru neebe agora dadaun ita selebra nee, loron espesial ba ita nia indepedensia, ida nee deklarasaun unilateral neebe iha momentu neeba Partidu UDT, FRETILIN, APODETI, KOTA, Trabalista, ida nee sai referensia ida ba ita, kontinuasaun nee lao nafatin to’o ohin loron,” dehan nia.

Nia hatutan, entaun atu halo nusa mos, komemorasaun loron boot ida nee espesial tebes ba CNRT.

(dom/gui)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...