Postu Baucau Vila, Garante Kampaina Kandidatu PR

BAUCAU-Atutoridade Postu Administrativu Baucau Vila hamutuk ho lider komunitaria, prontu garante seguransa masimu durante kampanha kandidatura Prezidenti da Republika (PR) iha Postu Baucau Vila.

Deklarasaun nee hatoo husi Administrador do Postu Baucau Vila Francisco Ximenes ba STL iha ninia servisu fatin Kinta (2/3/2017). Ba kestaun hanesan, Prezidente Autoridade Munisipiu Baucau Antonio A. Guterres halao ona sorumutuk unidade nasional ba parpol sira hotu iha 20 Janeiru liuba. Nia husu partidus politikus no kandidatus PR neebe halo kampaina iha area Autoridade Munisipiu Baucau, tenki respeita unidade nasional. Atu nunee bele haburas demokrasia no halakon konfliktus, liliu iha area Postu Baucau Vila.

Husi fatik ketak, Xefe Suku Uaitame, Postu Administrativu Quelicai Joao Moreira hateten, atu hari estabilidades no paz bainhira kampanha kandidatu PR, nia husu komunidade no joventude sira labele monu ba tentasaun. Hot-hotu tenke garante seguransa.

Parte autoridades suku mos sei hamutuk ho nia komunidade no juventude sira sei garante seguransa atu hari estabilidade no pas. Tamba nee husu nafatin ba juventude no komunidade sira atu hakmatek iha imi nia fatin no halao imi nia servisu nunee mos kontrola imi nia an atu bele kria pas no estabilidade.

Ita kualia konaba seguransa iha suku nian ida nee fila fali ba idak-idak nia suku no aldeia sira nunee bele hari estabilidade no pas iha ami nia suku. Oras nee dadaun ami sedauk iha eventu atu bele anima jovens sira rajaun tamba orsamentu no parte seluk mos komunidade nebe hela dok malu. Maibe sei garantia katak suku Uaitame sei laiha problema,”nia haktuir.

Sorin seluk Agusto da Costa nudar komunidade husi Suku Bahu ninian katak, sira fiar katak kandidatu ba prejidente republika nian nebe balun mai husi partidus politikus no indepedente sira atu kampanha karik hare ba imi nia programa prioridades saida maka imi bele hato ba komunidade iha sukus sira. Tamba kandidatu nebe deit maka manan sai prejidente republika mos sei sai aman ba nasaun no ba povu ida nee nian husu nafatin atu kria pas no estabilidades iha povu sira nia leet.

“Ami nudar komunidade hakarak husu deit ba kandidatus prejidente republika nian nebe balun kandidatu an nudar indepedente no balun kandidatu husi partidus politikus sira tamba nee maka husu sira atu faan programa prioridades nebe iha no husu atu kria pas no estabilidades ba ami povu ida nee maka ami hakarak,” nia esplika. Est4   

LEAVE A REPLY

Please enter your comment!
Please enter your name here

NEWS UPDATE

Xanana Fila Hikas Ona Mai TL Ho Batik

DILI, STLNEWS.co - Hafoin halao viajen ba Japaun ho Portugal, durante semana 3 hodi halao enkontru lubuk ida, no simu honorariu doctorate 2 husi...

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...