Potensialidade Marmer, ANPM- UMTL Asina Akordu

Editor : Cris Lobodara

DILI– Autoridade Nasional do Petroleo e Minerais (ANPM), hodi naran Ministeriu do Petrolio Rekursu e Minerais (MPRM) asina ona akordu ho kompania Uma Marble Timor Lda, (UMTL) atu prepara avaliasaun potensialidade rekursu marmer ba dezenvolvimentu komersia iha TL.

Akorda nee ho objetivu atu prepara avaliasaun ba potensialidade rekursu marmer ba dezenvolvimentu komersia iha area dedikadu neebe lokaliza iha Munisipiu Manatuto, Posto Administrativo Laclo, Suco Uma Kaduak ho periodu tinan ida, dehan vise prezidente ANPM Jose Goncalves liu husi deskursu Tersa (10/03/2020) iha edifisiu Ministeriu Finansa.

Nia mos afirma liu tan katak, UMTL sei halao servisu tekniku, hodi determina kualidade nomos kuantidade marmer, antes relata viabilidade komersial liu husi dezenvolvimentu rekursu marmer mai ANPM iha fim, husi periodu prospesaun ida nee.  Tanba nee Governo bele hili dalan atu partisipa iha investimentu ida nee, hodi desenvolve no komersializa rekursu marmer ho hanoin hodi hetan valor neebe optimo husi dezenvolvimentu rekursu refere.

Atu hola parte iha komprimisiu programa no servisu nian, governu ho UMTL kompromete hodi fornese oportunidade servisu ho numeru neebe razoavel ba komunidade sira neebe hela besik area prospesaun durante atividade nee lao.

Numeru servico refere sei aumenta durante faze dezenvolvimentu no operasaun marmer nee lao iha futuru.

Ita husi ANPM, hodi naran Ministerio do Petroleu e Minerais (MPRM) hein servisu hamutuk nee diak, hodi asegura implementasaun komprimisiu hirak neebe sita ona iha Akordu Prospesaun Marmore tuir tempo no iha forma ida neebe segura, dehan nia.

Iha fatin hanesan  Diretur Kompania Uma Marble Timor Lda, (UMTL) Jeackson Lay  hatoo agradese ba ANPM neebe fo ona suporta ba kompania nee no fo mos konfiansa ba kompania ida nee atu halo explorasaun iha area  ida nee.

Ami komtente tanba ohin ita bele realiza akordu explorasaun, depois de tinan hirak nia laran servisu no fo konfiansa tomak hamutuk ho Ministeriu Petrolium Minarais, hodi ohin realiza akordu ida nee, dehan Diretur kompania.

Nia mos afirma liu tan katak, idaea badak investimentu ba marmer ida nee hahu husi jantar simples ida ho hanoin ida katak, tanba sa maka Timor oan la explora iha potensialidade ida nee.

Ami nia misaun maka oinsa atu hahu industria marmer no lori produtu ida nee bele konese diak liu tan no ami nia misaun maka oinsa atu kria kampu servisu ba komunidade lokal no fo treinamentu hodi hasae kapasidade traballador sira nian no ami nia esperansa maka atu bele aumenta rendimentu ba uma kain direita in direita,  tan nee governu liu husi rekonesementu ida nee sei rekolia taxa ba kofre estadu, dehan Diretur Kompania nee.

Tuir observasaun STL haree katak partisipa iha seremonia asina akordu nee maka, Autoridade lokal Munisipiu Manatuto, kompania lokal balun no diretur sira husi Ministeriu relevante sira. Reportajen:Madalena Horta

 

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...