Povu Konsidera Deputadu Kanten Lakohi Halakon Lei PV

UATOLARI – Povu husi Suku Afaloicai Postu Administrativu Uatulari, Munisipiu Viqueque konsidera deputadu sira iha Parlamentu Nasional (PN), mesak kanten, tanba nee lakohi halakon Pensaun Vitalisia (PV).

Lia hirak nee hatoo husi Komunidade Suku Afoloicai Agusto Soares, liu husi dialogu komunitaria ho Prezidente Republika iha Suku Afoloicai, Postu Administrativu Uatolari, Kinta (08/09/2016).

Ita hare Deputadu sira tauk nee maka lakohi deskuti lalais hodi muda lei Pensaun Vitalisia nee, ami konsidera Deputadu sira nee mesak kanten deit maka la kohi muda, uluk seidauk sai Deputadu kiak hela, mais agora riku ona, iha kareta no uma lusu, sira hakarak kontinua buka riku liu husi Vitialisia,” hateten Agusto.

Nia hatutan, uluk estudante ho joventude povu tomak halo demostrasaun kontra lei PV, maibe governu ignora tiha tanba sira membru governu mos hakarak hetan nafatin pensaun no sai riku nafatin.

Iha fatin hanesan Estudante Natercio Soares hateten lei pensaun vitalisia, neebe halo husi Primeiru governu nee hariku deit grupu ida ka rua.

Hatan ba kestaun nee Prezidenti Republika Taur Matan Ruak dehan, PN halo hela deskusaun namanas, tanba sira maka halo lei, PR koalia no promulga deit, kompetensia tomak iha PN nia liman. Informasaun kompletu iha STL Jornal no STL Web, edisaun Sabado (10/9/2016). Joao Anibal

LEAVE A REPLY

Please enter your comment!
Please enter your name here