DILI– Povu Timor Leste (TL) halo asaun pasifiku hasoru Asutralia liu husi Embaxada Australia iha Timor Leste, relasiona ho governu Australia nebe halo pasa revista ba advogadu Bernad Colliery nebe Timor Leste hili ba kazu CMATS.
Sekretariu Jeral Renetil Deometro do Amaral de Carvalho hateten povu Timor Leste hamutuk ho organizasaun lubuk ida, halo asaun hodi hatudu TL nia deskontentementu ba aktu nebe governu Australia halo.
Tamba nee povu TL hamutuk ho organisasaun lubuk ida halo asaun hodi hatudu TL nia deskontentimentu, ba aktu nebee governu Australia halo, liu-liu konaba prendamentu ita nia advogadu nebee atu ba kolia konaba arbitrazen iha Denhag Olanda,  nomos kaer tiha sasin ida importante nebee lolos lori dadus lubluk ida hodi koalia iha Denhag konaba iha 2004, governu Australia servisu espionazen hodi halo rekaman sira nebee iha konsellu Ministru halo, hodi pavirese venefisiu iha negosiu agrimen CMATS, hateten Sekertariu Jeral Renitil Deometro, ba jornalista sira iha Fatuhada, Dili, Sesta (06/12/2013).
Nia hatutan povu TL kontinua halo asaun dame ejiji para Primeru Ministru Australia tenki halo esplikasaun diak, povu TL bele komprende, tamba sa maka sira halo pasa revista ba Advogadu TL, nune mos ba sasin principal nebee atu ba aprezenta sasan iha Ttribunal arbitrazen iha Den Haag. Informasaun kompletu iha STL Jornal no STL Web, edisaun Segunda (9/12/2013). Joao Anibal