Povu Trauma, Ukun Nain Sira Haksesuk Malu Kadeira

DILI– Povu Timor Leste (TL) durante tinan 14 nia laran, akompania politika ukun nain sira, halo povu trauma ou dalaruma hamnasa tamba hare deit lider sira nee haksesuk malu kadeira, maibe dezenvovimentu iha pais nee nunka lao ba oin.

Lia hirak nee hatoo husi Akademiku Renato de Cardozo, ba STL iha nia knar fatin Liceu, Dili, Kuarta (27/04/2016).

Ukun nain sira hanorin ita nia povu maduru liu ona, tamba iha 2006 akuntense krizi, tamba ukun nai sira nia hahalok, povu maka mate netik, tamba nee agora ita nia povu akompania tan situsaun ou polemika ba nomeisaun Jeneral foun e partidu CNRT ho PD divorsiu, depois CNRT hasai Prezidente Parlamentu Nasional Vicente Guterres, povu trauma no hamnasa, tamba ukun nain haksesuk malu kadeira, susar atu hadia dezenvovimentu ba povu,” hateten Renato.

Nia hatutan povu no joventude TL agora tuur hakmatek no la kohi involve iha politika malahuk sira nee, tamba politika malahuk nee bele estraga povu nia vida, neduni povu agora hein deit julga sira iha elisaun 2017.

Antes nee mos Xefi Estadu Maior Jeneral Lere Anan Timur liu husi konfrensia imprensia alerta ba povu no joventude Timor laran tomak katak, tensaun politika agora lao namanas hela iha povu nia leet, tamba nee sira husu ba povu no joventude tuur hakmatek. Informasaun kompletu iha STL Jornal no STL Web, edisaun Kinta (28/4/2016).  Joao Anibal

LEAVE A REPLY

Please enter your comment!
Please enter your name here