Povu Use-Tacae La Senti Dezenvolvimentu ZEESM

OE-SILO- Povu suku Use-Tacae Sub rejiaun Administrativu Oe-Silo, rejiaun Administrativa Espesial Oecuse no Ambeno seidauk senti dezenvolvimentu ZEESM, tamba kondisaun estrada no Ponte neebe liga ba sira nia suku seidauk hadia too ohin loron.

Liu husi Dialogu Komunitaria entre Prezidente Republika Taur Matan Ruak ho Povu Suku Usi-tasae, Ricardo Sufa nudar povu hatete Zona Ekomonia Espesial Sosial Merkadu Oe-cusse (ZEESM) naran neebe boot no diak, maibe povu balun seidauk senti.

ZEESM naran diak neebe ema hotu hatene ami Oe-cusse dezenvolvidu maibe realidade ami iha foho seidauk senti tamba ZEESM dezemvolve mak iha Vila deit mais ami iha foho sira haluha tiha,” dehan Ricardo durante Dialogu Segunda (13/02/2017) iha MerkaduUse-Tacae.

Nia hatete Durante nee konsege husu ona atu hadia estrada no halo ponte neebe liga mai iha suku, maibe nunka hetan resposta husi lideransa ZEESM maske kada tinan governu aloka osan boot mai iha Reziaun Administrativa Oe-Cusse.

Iha fatin hanesan Domingos Siquera husu estadu atu tau atensaun ba kondisaun Estrada, tamba kondisaun estrada ladiak maibe seidauk hetan atensaun husi estadu.

Hatan ba preokupasaun nee Prezidente Republika Taur Matan Ruak hatete Ponte neebe seidauk halo tamba tempu seidauk too, maibe iha Oc-Cusse ZEESM konsege halo ona maibe too agora seidauk inagura.

Iha Vizita nee Konvidadu espesial husi Prezidente Republika Taur Matan Ruak mak hanesan Administrador Postu Administrativu Quelicai, Bauau Xefi Suku Caicua Postu Vemesse, Baucau, Xefi Suku Uabobo Postu Administrativu Osso,Viqueque no Xefi suku Caenleo Postu Administrativu Iliomar, Lautem. Timotio Gusmao

 

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...