DILI-Prokuradoria Jeral Republika (PJR) hetan visita kortezia husi institusaun Pusat Pelaporan Analisis dan Transaksi Keuangan (PPATK). Vizita nee hodi koalia kona ba kria planu kooperasaun servisu entre PPATK ho PJR.
Prokuradoria Jeral Republika Jose Ximenes hatete, PJR hetan vizita husi Director Asuntus Cooperasaun Internasional PPATK. Iha inkontru nee rasik koalia liu kona ba PJR nia vizita ida nebe iha Jakarta ho PPATK iha loron 12 Novembru, bainhira PJR ho delegasaun ba vizita iha PPATK ho PJR Indonesia nian.
Ohin PJR hetan visita husi Director Asuntus Cooperasaun Internasional PPATK, visita mai iha PJR nee tanba Dr, Syahril Ramadhan hetan konvite husi banku sentral hodi halo servisu iha bancu sentral. Portantu depois husu tempu mai liu lai iha nee para koalia PJR portantu ho hau rasik hodi halo inkontru iha ohin loron. Nebe ami halo kooperasaun diak liu tan ba future liliu ba PJR no PPATK, dehan PJR Jose Ximenes ba jornalista liu husi komferensia pers iha salaun PJR, Colmera (18/12).
PPATK hanesan unidade interven finanseira husi Indonesia. Sira nia papel hanesan kombate korupsaun, nebe KPK labele ses husi nia. Tanba nia mos servisu ba kombate krime korupsaun. PJR hare ba situasaun ida nee, nemak visita PPATK. Objetivo principal inkontru ida nee, mak ba futuru halo kooperasaun ida entre PJR TL ho PPATK. Â Informasaun kompletu iha STL Jornal no STL Web, edisaun Kinta (19/12/2013). Joao Anibal
