DILI-Maske Reprezentante povu iha uma fukun Parlamentu Nasional (PN) Kestiona bebeik Ponte Comoro 1 nebe nia kondisaun sei diak, no labele sobu lai tamba ponte nee bele uja ba tinan 10 ou 20, maibe Governu mantein nia pozisaun hodi sobu Ponte, tamba prepara atu simu CPLP nebe sei vizita Timor Leste iha 2014.
Tuir Ministru Obras Publiku Gastão de Souza katak Preokupasaun Parlamentu sira nee los, tamba ponte Comoro nia kondisaun sei diak, maibe tenke hare movimentu ba mai, no Prepara mos ba Comnidade Pais Lingua Pontugeusa (CPLP) nebe atu vizita TL iha tinan oin mai.
Tamba nee maka Governu iha inisiativa ida atu hadia ponte nee, atu nunee ema turista sira mai TL karik ema labele dehan Ponte rua nee modelu la hanesan, desizaun hola tiha atu hadia duni ponte nee, tan nee Ministeriu, Governu ami tenke lao nafatin atu sobu Ponte nee tamba hare ba kondisaun Ponte 2 nee la hanesan no imazen ba ema turista sira ladun dia, dehan Ministru Obras Publiku ba STL Kinta (26/09) iha Hotel Timor.
Iha parte seluk Reprezentante povu iha uma fukun Parlamentu Nasional (PN) Deputadu Francisco Miranda Branco hateten kondisaun Ponte Comoro nee sei bele augente tinan 10, tan nee keta sobu. Informasaun kompletu iha STL Jornal no STL Web, edisaun Sesta (27/9). Madalena Horta