Presiza Hadia Ponte Tara Tutuluro

DILIXefi Suku Tutuluro, Postu Administrativu Fatuberlihu, Sebastiao da Costa Ornai  husu MOP-TK hadia Ponte Tara iha Mota Karau Ulun, Tutuluro. Atu nunee, iha tempo udan, hodi fasilita komunidade ba-mai Tutuluro no Same.

Laos deit ba komunidade Tutuluro, Ponte Tara nee mos importante ba aktividade komunidade Suku Bubusu, Fahinehan, komunidade balu iha Postu Administrativu Alas no komunidade Turiscai.

Oras nee dadaun, kondisaun Ponte Tara ladiak ona. Kondisaun prosin hotu ona, aikabelak iha ponte nia leten haksoit sai tiha ona. Halo kondisaun ponte nakdoko makaas, hateten Xefi Suku Tutuluro Sebastiao da Costa Ornai  ba STL bainhira partisipa serimonia lansamentu dadus estatestik 2015 iha CCD, Kinta (2/3/2017).

Tinan hira nia laran, katak Sebastiao, Ponte Tara iha Mota Karau Ulun nee mak, fasilita komunidade Tutuluro ba mai Same, liliu iha iha tempo udan. Nia husu MOP-TK presiza halo rehabilitasaun ba Ponte Tara nee, kuandu lahadia, sei fo impaktu boot ba komunidade sira iha neba.

Kkomunidade Tutuluro, Pedro da Costa hateten, ponte tara nee motorizada no kuda lao liu hotu. Bainhira udan boot, mota karau Ulun tun makaas, motorizada no kuda lao liu husi ponte tara nee.

Maibe agora kondisaun ponte tara nee ladiak ona. Presiza hadia. Tau fali forka hodi hametin aikabelak neebe nahe iha klaran no airame hodi kesi rede iha klaran tamba balu mamar tiha ona. Motorizada barak no kuda, tula sasan ba mai husi ponte tara nee. Augusto da Costa

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...