Presiza Mantensaun Dalan Tibar-Maubara

DILI-Deputadu Cesar Valente husu MOP-TK tenke halo mantensaun ba estrada husi Tibar ba Maubara. Obra dalan nee foin finaliza iha tinan kotuk, maibe parte balu komesa aat fali ona. Nee impede movimentu transporte publiku no privadu ba-mai Dili no Maliana.

Iha fulan kotuk, impaktu udan boot, halo rai halai hodi sobu tiha fali kondisaun estrada nee. Tan nee husu ba kompania neebe uluk kaer obra nee, tenke halo mantensaun antes kondisaun estrada nee, grave.

Tuir informasaun, foin dadauk nee, kompania neebe uluk kaer projetu nee ba haree ona. Ba haree tiha, kompania la raut rai sira neebe maka bou hela iha estrada laran. Husik deit, hateten Cesar Valente ba STL iha Uma Fukun PN, Dili, Kinta (2/3/2017).

Lolos nee, nia dehan, governu tenke bolu atensaun ba kompania neebe uluk kaer obra projetu nee, oinsa atu halo mantensaun. Governu labele hain estrada grave los, maka foin hadia. Kuandu hein too grave mak hadia, governu tenki hasai tan osan boot hodi halo mantensaun.

Iha fatin hanesan, deputadu Pedro da Costa informa, tinan ida nee laiha orsamentu ba mantensaun estrada. Atu hadia estrada, governu laiha osan.

Hau hanoin governu la toma konsideirasaun lalais tanba osan laiha, no hare ba kondisaun grave ona maka ita tenke buka fali fundus rezerva balun husi aitem seluk maka, foin uza ba halo mantensaun, tanba nee governu tenke iha razaun ida tau osan hodi halo atendementu ba projetu sira neebe maka emerjensia tebes, sei ita husik deit aban bain rua maka sei gasta osan boot tan nee, hahu agora tenke halo mantensaun kedas,” hateten Pedro da Costa.

Nia dehan, estrada husi Tibar ba too Maubara, foin finaliza iha tinan ida rua liuba. Maibe, agora aat fali ona. Kuandu la halo mantensaun rutina, aban bainrua sei fakar osan barak liu tan.

Deputadu Paulino Monteiro dehan tan katak, iha planu prioridade sestu governu nian maka, tau importansia ba infraestrutura rai laran maibe, realidade neebe akontese katak povu neebe hela iha area remotas kontinua infrenta problema oin oin, liu liu Estrada no ponte neebe defikulta tebes povu atu lori produtu lokal asesu ba merkadu. Madalena Horta

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...