Presu Kafe Timor Tenke Aas

DILI – Atu hasae produsaun kafe iha rai laran maka, governu tenke estabelese presu neebe aas atu nunee, bele eduka povu agrikultor sira badinas kuda kafe oan, no hamos kafe duut bele fo produsaun diak.

Kestaun nee hatoo husi Reprezentante povu iha Uma Fukun Parlamentu Nasional Deputadu Antonio dos Santos alias 55 ba STL, Segunda (06/03/2017) iha nia knar fatin PN.

Hau hanoin produsaun kafe tun tanba, impaktu husi presu kafe neebe la tuir estandar, tan nee, halo povu baruk atu servisu, realidade folin kafe iha Ermera rasik kilo ida ho presu U$0.80 deit, ida nee ladun fo benefisiu ba povu agrikultor sira maka halo agrikultor baruk atu hadia kafe dut no baruk atu kuda fila fali kafe oan, lolos governu tenke kria presu neebe estradar atu nunee bele eduka agrikultor sai badinas,”informa Deputadu 55 hanesan Ermera oan.

Nia mos informa liu tan katak, kafe iha Ermera rasik balun komesa idade dadauk ona, tan nee tenke tesi tiha kafe tuan sira nee, no kuda fali kafe oan maibe preokupasaun husi povu katak sira baruk atu servisu tanba, governu la kria presu neebe justu, hare ba kualidade kafe nee diak tebes maibe ninia presu la tuir ejijensia agrikultor sira nian, tan nee povu baruk no produsaun kafe iha rai laran mos kontinua tun.

Iha fatin hanesan Deputada Brigida Correia mos hatutan katak, TL nia produsaun neebe exportasaun ba rai liur maka kafe, maibe hare ba realidade neebe akontese, kada tinan produsaun kafe kontinua tun ba bebeik no exportasaun ba rai liu ho kuantidade neebe kiik, too agora seidauk responde Demandend Market

Hau hanoin ita tenke tau importansia ba kafe rai laran neebe organik tebes iha mundu Internasional tanba iha neeba sira sempre gota kafe Timor maibe, hare ba kuantidade exportasaun nee seidauk boot, ida nee tanba povu agrikultura sira baruk atu hadia kafe oan, maka nia impaktu produsaun tun,”informa nia

Nunee mos membru CCI-TL Ermera Mateus de Araoju hateten, produsaun kafe iha rai laran tun tanba, povu agrikultor sira maka baruk atu servisu, tanba presu kafe kiik.

Nunee mos Ministru Agrikultura e Peskas, Estanislau da Silva hateten, MAP halo ona esforsu boot ho povu agrikultor sira iha baze, bele hasae produsaun kafe iha rai laran, tan nee MAP servisu hamutuk ho agrikultor sira hodi halo rehablitasaun ba kefa hektares 400 resin iha Ermera no Liquisa atu hasae produsaun kafe iha rai laran. Madalena Horta

 

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...