Prevene VD Iha Familia, Feto Tenke Kalma

DILI-Atu prevene violensia domestika (VD) iha familia uma laran entre fen no laen, feto mak tenke kalma labele sai provokator.

Liu husi audensia julgamentu juiz husu ba lezada sira neebe hanesan inan ka fen kaben iha uma laran atu labele provoka laen sira, liliu bainhira iha tempu servisu nian. Ho situasaun hanesan nee fasil tebes VD akontese iha uma laran.

Nia hatutan, iha julgamentu laran prova barak mak hatudu VD akontese no ikus mai laen mak sai arguidu tanba fen mak provoka uluk situasaun. Dala barak feto mak sukit uluk situasaun hodi mosu violensia, nunee ikus mai laen mak tenke sai arguidu.

Iha biban nee husu ba lezada hanesan fen no inan tenke kalma iha uma laran, labele gosta provoka uluk situasaun hodi ikus mai mosu VD iha uma laran.

Nunee mos Juiz Antoninho Goncalves hatete, VD nee laos deit mai husi ema mane. Maibe VD dala ruma nia hun nee mai husi lezada mak ikus mai hodi hamosu VD entre fen ho laen. Informasaun kompletu iha STL Jornal no STL Web, edisaun Kuarta (22/6/2016). Domingas Gomes

LEAVE A REPLY

Please enter your comment!
Please enter your name here