Dili- Prinseza husi Thailandia Maha Chakri Sirindhorn Visita Parlamentu Nasional (PN) ho Objektivu hamutuk ho Parlamentu Nasional halo lansamentu ba programa hakotu hamlaha iha Timor Leste.
Liu husi Diskursu Prinseza Thailandia Maha Chakri Sirindhorn, agradese ba Governu Timor Leste tamba bele fo opurtunidade atu bele mai Visita iha Timor Leste. No ho Visita ida ne’e atu bele hare mos ba progresu Timor Leste nian no problema nebe iha Timor Leste.
Iha fatin hanesan liu husi Intervista Vice Ministru Negocio Estrangeiru Constancio Pinto esplika katak, ne’e hanesan onra bo’ot, prinseza Maha Chakri hanesan ema nebe konhesidu iha Nasaun Thilandia.
“ Objektivu Prinseza mai iha ne’e premeiru atu konseleda diak liu tan ita nia relasaun Bilateral entre Timor Leste ho Thailandia, no Prinseza ne’e mai hamutuk ho ita iha Nasaun Timor Leste atu bele lansa Gere Fome Iha Nasaun Timor Leste ka kombate hamlaha iha ita nia Nasaun Timor Leste,” dehan Constancio. Informasaun kompletu iha STL Jornal no STL Web, edisaun Sesta (10/1/2014). Jesuina da Costa