DILI-Problema Estudante Timor oan nebe estuda iha Indonesia halao krime foin lalais ne’e, governu Timor Leste Liu husi Ministeriu Negosiu Estranjeiru hatun ona Ekipa Investigasaun hodi hare probleman nebe akontese entre Timor oan iha Indonesia.
Informasaun ne’e fo sai husi Vice Ministru Negosiu Estranjeiru Costancio Pinto ba Jornalista iha Parlamentu Nasional (PN) hafoin partisipa Plenaria Ekstraordinaria, Sesta (12/07/2013).
Tuir Constancio katak problema nebe akontese entre estudante Timor oan iha Indonesia, governu prezisa hare kazu ho didiak, tamba estudante balun ba liu husi bolus estudu iha Ministeriu Edukasaun no balun ba estuda uza osan privadu.
“ hau rona problema nebe mak akontese entre estudante sira mak mesak la liu husi ministeriu Edukasaun mak halo problema iha Indoneisa, Kona ba violensia nebe mak komete nee’e krime nebe ita hotu kontra,” dehan Constancio.
Nia esplika mos katak Timor oan nebe mak komete krime iha ema nian rai, nasaun ne’e mak sei atende sidadaun nebe mak komete krime, maibe Ministeriu Negosiu Estranjeiru halao kontaktu ho Embaixada Timor iha Indonesia kona ba problema estudante Timor oan iha Indonesia. Informasaun kompletu iha STL Jornal no STL Web, edisaun Segunda (15/7). Timotio Gusmão