DILI– Problema Timor Leste (TL) ho Australia konaba kazu CMATS, Primeru Ministru (PM) Timor Leste, Kay Rala Xanana Gusmão hateten wainhira nia sei moris, la iha ema ida maka mai tu’ur iha nia ulun, hodi sama rai no povu Timor Leste.
PM Xanana fo sai kestaun ne’e ba jornalista sira, liu husi konferensia imprensa, iha Aeroportu Prezidenti Nicolao Lobato Comoro, katak wainhira nia rasik sei moris, laiha ema ida maka atu sama ka hanesan povu Timor Leste.
Hau sei moris, laiha ida atu mai tu’ur iha hau nia ulun, hodi sama rai no povu ida ne’e, asaun ne’ebe Australia halo ba advogadu Timor Leste, nia impaktu ne’e negativu, maibe tuir hau nia malandru dehan katak, tabrakan mobil ne’e, nia impaktu ne’e dehan katak, kuandu ita nia advogadu ne’e lakon tiha, ita la konsege aprezenta, mabee nia sei moris, buat hotu sei la’o diak, hateten PM Xanana, liu husi konfrensia imprensia, iha Airo Portu Nicolao Lobatu, Comoro Dili, Sabadu (07/12/2013).
PM Xanana rasik fo ona ninia statementu ba Primeiru Ministru Australia Tony Aboot, atu garante seguransa ba advogadu Timor Leste, katak labele akontese buat ida ba nia, impaktu negative ne’ebe atu akontese ba Timor Leste nia advogadu, sei laiha. Informasaun kompletu iha STL Jornal no STL Web, edisaun Tersa (10/12/2013). Joao Anibal