Produsaun Batar Aas Iha Lospalos

DILI – Produsaun Batar aas iha Munisipiu Lospalos tanba, kustume povu agrikultor nian maka, ema neebe halo servisu todan prefere han deit batar, tan nee halo produsaun  batar iha Lospalos diak, no kuantidade aas kompara ho produsaun hare ladun iha.

Kestaun nee fo sai husi reprezentante povu iha Uma Fukun Parlamentu Nasional Deputada Brigida Correia ba STL, Sesta (10/03/2017) iha nia knar fatin PN.

Iha hau nia rai Lospalos povu agrikultor sira nia alimentasaun boot liu maka batar, tanba ema neebe servisu makas tenke prefere han batar atu nunee forsa, produsaun batar nia kuantidade boot kompara volume fos nee kiik,”informa Deputada Brigida Correia hanesan Lospalos oan.

Tuir Lospalos oan katak, povu agrikultor sira iha Lospalos barak liu maka kuda batar no kuda haree nee iha parte balun deit hanesan Lautem, Luro nomos Ilomar maibe haree ba kuantidade hare ladun boot, maibe batar maka ninia kuantidade aas.

Iha fatin hanesan, Deputadu Domingos de Carvalho hanesan Aileu oan hateten, Povu agrikultor iha Munisipiu Aileu maioria moris hanesan agrikultor no iha neeba atividade barak maka lao, balun halo Natar, balun halo toos no balun hakiak ikan, liu husi atividade sira nee hatudu duni rezultadu diak.

Ita sei dauk rona dehan povu iha Aileu infrenta hamlaha, hanesan Munisipiu sira seluk tanba, agrikultor iha Aileu badinas atu halo toos ho natar tan nee, aihan la susar ba sira atu han fos no la susar ba sira atu han natar tanba buat hotu povu agrikultor sira halo hotu,”informa Deputadu Domingos.

Nunee mos Deputadu Joao Adriano hanesan Maliana oan hateten, agrikultor iha Maliana oras nee okupadu tebes ho natar tanba udan been diak, no batar iha maibe agrikultor sira neebe hela iha Kailaku, Bobonaro nee kuaze maioria halo toos tanba natar laiha, maibe iha Maliana rasik povu okupadu ho Natar duke toos.*

Hatan ba preokupasaun nee Ministru Agrikultura e Peskas, Estanislau da Silva hateten, atu hasae produsaun agrikula iha rai laran maka, bazeia ba udan ben diak maka produsaun diak, maibe udan bee ladiak influnsia mos ba produsaun agrikula tun. Madalena Horta

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...