Professor Labele Uza Violensia Iha Eskola

DILI – Knar no kompetensia professor atu eduka estudante sira sai ema neebe diak, tanba nee, husu ba professor ida-idak atu labele uza violensia iha eskola, no estudante sira mos labele uza violensia hasoru professor.

Lamentasaun nee hatoo husi superintendente edukasaun Munisipiu Dili, Virgilio Cabral dehan, ezemplu kazu nee hanesan akontese iha eskola 30 de Agostu, hanesan inan aman estudante baku professor, maibe momentu nee sira ba too iha eskola, polisia mos iha nee ba, depois prosesu nee atu lori ba oin, maibe professor ida sai vitima nee rasik lakohi lori problema nee ba oin.

Hau nudar xefi inspeksaun ninia hau nia mensajen ba ita nia professor sira katak, bainhira hanorin, no estudante sira neebe mak lakohi rona, diak liu bolu direitor eskola, para atu bele fo hanoin ba estudante sira nee, maibe labele uza violensia iha eskola, bainhira ita uza poder ba estudante sira, tanba nee, hahalok neebe mak krime labele aplika iha eskola, sekarik aplika iha eskola mak ita hotu sei iha responsabilidade ba aktu neebe mak ita halo,” dehan Virgilio ba  STL  iha edifisiu ME Vila-Verde Dili, Kuarta (08/03/2017).

Virgilio akresenta, prosesu nee atu lori ba oin, maibe professor ida sai vitima nee rasik lakohi lori problema nee ba oin, sira rezolve familia, tanba professor nee mos baku estudante, neebe problema rezolve kedas iha eskola.

Nunee mos Direitor jeral husi ME, Antoninho Pires hatete, dala  barak sira fo sai bebeik politika ME mak zero toleransia ba violensia iha eskola, tantu ba professor no estudante sira hotu, maibe oinsa mak direitu eskola sira atu bele implementa politika ida nee iha terenu.

Iha parte seluk, estudante terseiru ano, husi Nobel da Paz, Rosalino de Jesus hatete, durante nee iha sira nia eskola seidauk mosu kazu professor baku estudante, no estudante baku professor, tanba nudar estudante sempre hatudu etika no komportamentu neebe diak ba sira  nia professor. Jacinta Sequeira/Guilhermina Franco

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...