Programa Povu Kuda Governu Sosa, Hela Deit Papan

DILI – Iha Kuatru Governu konstituisional establese ona, Programa ida ho naran povu kuda governu sosa, programa nee too agora la establese, no hela deit maka papan tulis iha Munisipiu tomak.

Preokupasaun nee fo sai husi Reprezentante povu iha uma fukun Parlamentu Nasional, Deputadu Joao Adriano ba STL, Kinta (09/03/2017) iha nia knar fatin PN.

Hau hanoin establesementu programa, povu kuda governu sosa nee hahu kedas iha governu aliansa maioria parlamentar AMP nia tenpu, too agora ninia rezultadu laiha tan nee povu iha area remotas sira nee lamenta tebes,”informa Deputadu Joao Adriano.

Nia mos inforama liu tan katak, iha governu AMP nia tenpu tidin hela papan bot iha fatin-fatin,  hodi hakerek dehan povu kuda governu sosa, realidade programa nee lakon iha dalan klaran deit, no programa nee la lao hodi halo povu pata semangat atu halo natar ho tos, tamba halo produsaun barak, governu la sosa diak liu halo pas han nian deit, tan nee maka too ohin loron TL depende makas ba importasaun.

Iha fatin hanesan Deputadu Paulino Monterio mos hatutan, programa governu nian ho naran povu kuda governu sosa nee, hanesan teoria deit maibe implementasaun iha baze nee la lao, tanba povu kuda barak liu tiha maibe, governu osan laiha atu sosa no ikus mai povu nia aihan sira nee hetan estragus deit.

Nunee mos Deputadu Agostinho Lay mos hatutan, los duni povu barak maka kestiona makas konaba programa governu nian, ho naran loja do povu nee agora lakon tiha deit, no agrikultor sira produs aihan barak maibe, governu la sosa ida nee maka sai problema. Madalena Horta/Josefa dos Santos

 

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...