DILI—Primeiru Ministru (PM), Kay Rala Xanana Gusmao bolu urjenti Ministru Obras Publiku (MOP), Gastao Sousa, Ministru Saude (MS), Sergio Lobo, Prezidente Komisaun Funsaun Publiku (KFP), Liborio Pereira, no Ministru Justisa (MJ), Deiniso Babo, kona projetu sira nia edifisiu ne’ebe durante atraje tebes.
Tuir, Ministru Obras Publiku (MOP), Gastao Sousa ba Jurnalista iha Palasiu Governu, Dili, Kuarta (31/7), katak, PM Xanana bolu sira mai atu enkontru hamutuk ho Ajensia Dezenvolvementu Nasional (ADN), hodi hare kona ba projetu ba edifisu CNE, KFP, Ospital Referal Baucau, no Edifisiu Ministeriu Justisa nian, ne’ebe to oras ne’e sei atraja.
Kona ba kualidade projetu bainhira atu halo pagamentu ema tenke halo verifikasaun uluk, bainhitr laiha kualidade maka governu sei la halo pagamentu, bah au karik laiha kualidade lalika selu, hatete Gastao Sousa.
Iha fatin seluk, Direitor ADN, Samuel Marcal informa mos katak, PM Xanana fo ona aturizasaun ba ADN atu kontrala projetu sira ne’ebe to oras ne’e sedauk finalize, inklui mos projetu ba iha edifisiu CNE.
Nia informa tan katak, kona ba projetu sira ne’ebe laiha kualidade, ADN mos iha ona ninia material atu halo testu ba iha projetu ne’ebe lao iha teritoriu timor laran tomak. Informasaun kompletu iha STL Jornal no STL web, edisaun Kinta (1/8). Oscar Salsinha