Projetu Emerjensia, Governu Selu Ona U$ 394 Milloens

DILI – Relasiona ho esijensia Emprezario Timor oan sira kona ba Projetu Emerjensia, Governu aloka ona osan hamutuk  U$ Milloens 394, liu husi Orsamentu ratifikativu neebe Parlamentu Nasional aprova atu halo pagamentu ba projetu emerjensia 2013- 2014, obra nee lao tanba la prevei iha orsamentu ikus mai kria tusan.

Vice Ministru Obras Publiku Transporte Komunikasaun, Inacio Moreira liu husi ninia deskursu, bain hira halo abertura ba Seminar neebe halo husi ONG Luta Hamutuk, ho tema Promove Transparensia iha Setor Dezenvolvimentu, Kuarta (08/03/2017) iha Farol Dili.

Hau hanoin liu husi orsamentu reatifikativu ita tenke tau duni osan ho montante U$ 394 Milloens, hodi halo pagamentu tanba projetu sira neebe lao nee hanesan Perinta Kerja (PK), neebe la liu husi lei aprovazionamentu,  no ikus mai tenke kria duni tusan ba governu,”informa Vice Ministru Obras Publiku Inacio Moreira.

Nia mos informa liu tan katak, projetu emerjensi neebe lao iha rai laran hodi kria tusan maibe obra hirak nee, barak maka laiha kualidade, impaktu husi projetu sira neebe maka lao laliu, husi Planu neebe adekuadu no BoQ neebe diak too, ikus mai kualidade laiha no governu konta selu tusan.

Iha fatin hanesan Vice Prezidente CCI-TL Joao Alves mos hatutan katak, projetu emerjensia sira neebe maka lao iha tinan 2013- 2014 nia laran nee, balun governu selu dadauk ona maibe balun seidauk selu tanba nee, governu no ADN sei halo evalusaun ba projetu nee depois maka foin halo pagamentu.

Ami sei dauk iha dadus kompletu konaba projetu hira maka governu selu ona, no hira maka sei halo hela berifikasaun iha baze tanba, emprezariu sira neebe maka hetan ona pagamentu nee la ba informa iha CCI-TL, tanba nee parte CCI la hatene dadus konaba pagamentu nee,”informa Vice Prezidente CCI-TL.

Nia mos haktuir tan katak, projetu sira neebe seidauk hetan pagamentu nee parte, CCI-TL nafatin halo esforsu atu koalia nafatin ho governu tanba setor privadu sira labele moris sekuandu governu nafatin deve ou la halo pagamentu lalais, buat hotu atu lao diak maka Governu ho ADN  nomos Parlamentu sei halo berifikasaun didiak iha baze, depois maka foin halo pagamentu.

Nunee mos reprezentante povu iha Uma Fukun Parlamentu Nasional Deputadu Manuel Castro hatutan, projetu emerjensia sira neebe maka lao iha tinan 2013 nia laran nee, balun governu seidauk halo pagamentu tanba tenke liu husi prosesu berifikasaun dadaus iha baze husi Obras Publiku maka ADN halo pagamentu tanba nee, liu husi prosesu.

“Ami halo ona berifikasaun iha baze no iha projetu balun neebe rekomenda atu hadia tanba kualidade, neebe komisaun eventual tun ba iha baze halo akonpanamentu ba projetu emerjensia no relatoriu komisaun eventual intrega ona ba governu atu hare, no balun governu hahu halo pagamentu dadauk ona,”informa nia. Madalena Horta/Josefa dos Santos

 

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...