Projetu Irigasaun Tono Atinji 95%

AMBENO-Konstruksaun fiziku Irigasaun Tono agora atinji ona 95%. Irigasaun Tono sei benefisia komunidade Oecusse, liliu komunidade neebe iha area natar no toos uza bee husi irigasaun nee.

Iha Fevereiru 2017, Prezidenti RAEOA Mari Alkatiri hamutuk ho intelektual Oecusse oan sira halo dialogu ho komunidade sira iha Sub Regiaun Oesilo.

Iha dialogu nee, Mari Alkatiri apelu ba komunidade Oecusse konaba Irigasaun Tono. Nia dehan, konstruksaun irigasaun nee remata, agrikultor barak mak sei halo natar no toos. Natar bele halo tinan ida dala rua  ou tolu. Signifika, produsaun agrikultura bele aumenta.  I produtu barak no oioin sei mai husi Sub Regiaun Pante Makasar. Dala ruma lori ba faan iha Merkadu Tono no Numbey sei la too. I tenke kontinua lori ba Dili, i balu bele exporta.

Kontruksaun Ponte Tono mos halo dadauk ona. I mosu informasaun katak, kontruksaun ponte nee agora hamosu kecemburuan sosial tamba konstruksaun ponte nee furak tebes.

Hau dehan ba imi hotu, ba komunidade Oecusse tomak, Ponte Tono nee laos lori deit benefisiu ba sira neebe iha area natar maibe mos ba komunidade sira neebe laiha natar. Sira bele utiliza bee husi Irigasaun Tono hodi kuda modo no aifuan oioin,” afirma Alkatiri.

Ba komunidade Oecusse tomak, nia dehan, prosesu dezenvolvimentu hot-hotu iha Regiaun Oecusse nee, integradu tebes. Nunka atu lao ketak-ketak. So que, area regiaun Oecusse nee, mota kiik oan sira barak tebes. Udan laiha, raimaran domina no rai rahun semo lemo-lemo.

Total mota iha area Regiaun Oecusse, konta husi Mota Tono ba too fronteira Citrana, iha mota 18. I tuir planu, autoridade ZEESM sei halo tan ponte ida iha Citrana tamba area Citrana estrategia tebes atu halo sidade. Citrana merese atu sai sidade ida tamba besik ho area fronteira Kupang. Husi Citrana bele ba Kupang, nunee mos husi Kupang mai Citrana. Tamba mota barak iha area Sub Regiaun Pante Makasar, katak Alkatiri, presiza dezenvolve tan ponte 18.

Alende nee, Alktiri informa katak, agora iha ona investemento iha turistika besik 11 kilometrus. Nee presiza orsamentu hodi investe kuaze $350 mil. Ema sei investe liu fali orsamentu estadu neebe aloka ba Oecusse.

Maibe investemento atu lao diak, nia dehan, tenki dezenvolve uluk infra-estruktura. Nee importante. Atu nunee bele atrai turista barak. Ita prediksi, kada tinan atu turista ba vizita 6000 mil pesoas. Tamba nee programa dezenvolvimentu tenke halo integradu e tenke iha investimentu publiku. Tamba nee mak prepara ona airoportu ida mak diak nian.

Jacob Nono nudar Chefe aldeia Noe ninen suku cunha afirma,  Tinan ida nee ami nudar komunidade senti kontente tamba bee lancar ona ami kompara ho tinan uluk irigasaun sedauk iha, udan mai mak ami foin hetan bee ba natar no toos, maibe irigasaun komesa halo iha ona, ami senti kontente bele halo natar  tinan ida bele dala tolu, tamba hare nia panen fulan tolu deit entaun ami bele halo natar dala tolu iha tinan ida. Ami kompara ho tinan uluk ami halo natar tinan ida halo natar dala ida deit tamba bee laiha, maibe tinan ida nee ami hot-hotu komesa halo ona natar no toos modo nian. Nia  mos fo agradese ba guvernu Timor leste liu husi president autoridade tamba iha planu diak ba komunidade nia moris.

Angelina Nunu husi suku cunha dehan Ami orgulho no foagradese ba governu Timor leste  tamba iha ona hanoin diak  tulun ami komunidade iha oecusse liu-liu ba ami nia natar toos tamba nee ami nia moris mak nee, ami escola ami nia oan  sira mos uza natar ho modo tamba ami faan hetan osan mak selu oan sira nia escola, neebe kuandu tinan-tinan irigasaun nee sedauk halo ami kee bee posu deit tamba bee laiha, maibe agora ami kontente ona tamba irigasaun nee lori diak mai ami bele halo natar tinan ida bele dala tolu, ami komesa ona halo lutu ba natar atu komesa servisu ona tamba bee la susar ona hanesan uluk. Nia hateten

Entretantu, Tekniku Super Visor Irigasaun Tono, Gil Soares Sarmento esplika, irigasaun nee hahu halo konstruksaun iha 2015 ate 2017 agora atinji ona 95% tuir lolos hotu ona hela 5%, maibe udan lapara ne maka ami hein, sei udan komesa para maka ami foin kontinua servisu halo hotu, kuandu udan boot ami labele halao serbisu, ami tenke hein maibe iha parte ida mos diak iha provas ona kuandu udan boot mota makaas tebes nunca estraga nee signika prova ona nia kualidade.*

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...