Promove Transparensia, LH Realiza Seminariu

DILI – Atu Promove tranparensia maka Organizasaun Non Govermental Luta Hamutuk (LH) Realiza Seminariu regional ho topiku Promove Transparensia iha setor dezenvolvimentu infranstrutura.

Objetivu husi Seminariu ida nee atu fasilita diskusaun no komunikasaun entre governu no setor privadu sira inklui sosiedade sivil e komunidade, koalia direita ba malu konaba promove transparensia iha setor dezenvolvimentu infra-enstrutura.

LH nia observasaun  iha terenu hatudu katak, projetu barak  laiha kualidade, barak  laiha nain, abandona, emprejariu  barak laiha orsamentu  hetan projetu, hadia Estrada latoo fulan haat, Estrada  aat fali, hatudu katak, prosesu dezenvolvimentu faila iha  kualidade, durasaun, gasta osan povu saugate, ezamplu Estrada iha edefisiu LH tinan resin seidauk hotu.

Ita tenke hadia, promove transparensia iha setor dezenvolvimentu infra-estrutura, ema hotu tenke partisipa kontrola no halo fiskalizasaun ba implementasaun projetu, tenke nakloke liu husi konkursu, iha kontratu, garantia transparensia akuntabilidade, implementa projetu kualidade diak,’’dehan Akara ba Jornalista Kuarta (08/03/2017) iha salaun LH Farol.

Nia hatete, Projetu laiha kualidade tanba falta kontrola husi Ministeriu Obras Publiku Transporte Komunikasaun no Ajensia Dezenvolvimentu Nasional, tanba nee kontraktor halo projetu tuir sira nia hakarak, latuir dezenu no BOQ neebe maka iha.

Implementasaun projetu ho transparensia tenke tuir kontratu, liu husi tenderizasaun presiza  kontrola makas, espera parte governu no setor privadu koalia ona transparansia akuntabilidade importante tebes.

Ita hahu nakloke ba malu, governu tenke publika kuantidade projetu, kualidade projetu, prosesu pagamentu no aprosionamentu, atu nunee nakloke ba publiku neebe dadus ONG no academia mos presiza. Transparensia lao, ema hotu tenke partisipa, signifika laos governu deit ho PN, maibe presiza partisipa ema hotu nian, liu-liu academia, ONG hola parte ba kontrola kualidade no implementasaun, hanoin kontrator tauk implementa no ezekuta projetu ho kualidade diak,’’dehan Akara.

Nia hatete, sosiadade sivil hare projetu balun ezekuta hotu, osan la aloka, tanba orsamentu la prevei, maibe governu tenke  responsaliza selu projetu sira nee, atu nunee emprejariu  timor oan tenke iha deber responsaliza hadia projetu estrada garantia kualidade fo benefisiu ba povu kiik, no estadu. Kuandu lahadia sistema sira nee, transparensia laiha, kontinua mosu bebeik korupsaun, no Korupsaun, Kolusaun no Nepotizmu (KKN), ema hotu partisipa halo fiskalizasaun ba implementasaun projetu.

Iha fatin hanesan Vise Ministru Obras Publiku Transporte Komunikasaun Inacio Moreira hatete, Dezenvolvimentu ba Setor infranstrutura lao ladun diak, tanba projetu balun laiha kualidade, falta kontrola no supervisaun diak husi governu no tekniku husi setor privadu sira.

Hau konkorda sei LH iha inisiativa  halo seminariu koalia konaba  promove transparensia ba dezenvolvimentu iha setor infra-estrutura inportante tebes, oinsa bele asegura kualidade obras nee diak, hadia mentalidade Timor oan, ezekuta projetu tuir lei aprovisionamentu,’’dehan Nia.

Nia hatete, durante nee ema koalia kona ba implementasaun  projetu laiha tuir tenderizasaun,  sira laiha kapasidade orsamentu no ekipamentus  hetan projetu kaer, afeta kualidade, mosu dividas, tanba orsamentu laprevei ba projetu nee, maibe ezekuta uluk hotu, foin  ba husu orsamentu, tanba mosu foin dividas Governu aprova orsamentu ratifika hodi selu dividas.

Vise Ministru promote, ba oin sei buka hadia sistema sira, promove transparensia iha dezenvolvimentu infra-estrutura garantia   Kualidade diak, tanba  implementa projetu tenke iha   estruktura hanesan jestor ba projetu atu halo  fiskalizasaun diak  hodi asegura kualidade diak, no Presiza iha manutensaun, kualker projetu tenke iha sustentabilidade.

Nunee mos Vise Prezidente CCI-TL Joao Alves dehan, koalia kona ba transparensia ba prosesu dezenvolvimentu setor infra-estrutura liu-liu capital dezenvolvimentu  importante tebes presiza tabela presu  orsamentu  ba projetu tenke klaru.

Se ita hakarak iha transparensia lolos presu, orsamentu ba projetu tenke klaru, wainhira apresenta ba PN, governu tenke tau orsamentu ba kustu dezenu no BOQ lolos, kustu ba laboratorium no projetu hotu, tenke iha manutensaun,”dehan Nia.

Nia  hatutan, Fundus ba projetu konstrusaun nee tama hotu iha item, molok lori ba PN aprova, atu nunee ema hotu bele akompania no hatene, kustu ba implementasaun projetu sira nee, orsamentu lolos hira, hadia Estrada kilometru hira, publiku bele hatene ona.

Iha seminariu nee, orador nain rua hanesan Vise Ministru Obras Publiku Transporte komunikasaun Inacio Moreira, ho Vise Prezidente CCI-TL Joao Alves, neebe seramonia nee loke husi Direitor LH Mericio Akara, partisipante husi Sosiedade sivil, akademia, komunidade, autridade lokal. Josefa dos Santos/Madalena Horta

 

LEAVE A REPLY

Please enter your comment!
Please enter your name here

NEWS UPDATE

Xanana Fila Hikas Ona Mai TL Ho Batik

DILI, STLNEWS.co - Hafoin halao viajen ba Japaun ho Portugal, durante semana 3 hodi halao enkontru lubuk ida, no simu honorariu doctorate 2 husi...

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...