Prosesu Barak, Juiz Adia Julgamentu

DILI-Tribunal Distrital Dili adia hikas julgamentu balun, tanba prosesu kazu barak mak tama iha meza tribunal nian, tanba nee kazu neebe mak monu iha oras hanesan tenke adia hikas ba loron seluk.

Tuir offisial justisa neebe la temi naran hatete, orario julgamentu neebe mak marka ona iha agenda Tribunal Distrital Dili nian, kazu balun tenke adia fali ba loron seluk tanba deit juiz prosesu tenke  halao fali julgamentu ba kazu seluk. Neebe julgamentu ba krime neebe mak tribunal tau iha kuadru dala ruma labele realiza, tanba juiz prosesu iha loron ida bele kaer prosesu tolu ou selae bele liu tan nee.

Ho ida nee tribunal tenke haruka fila fali arguidu, lezada no sasin sira neebe mak notifika ona atu mai fali iha loron seluk neebe mak tribunal sei determina hodi halo fali notifikasaun foun. Fulan ida nee prosesu barak mak iha meza leten, tanba iha fulan kotuk ba nee ferias judicial nian. Neebe prosesu barak iha fulan nee, balun tenke adia fali ba loron seluk.

Realidade neebe mak iha katak, bainhira juiz prosesu sira halao hela julgamentu ba kazu neebe sira realiza la kleur offisial justisa tenke mai halo konfirmasaun ho juiz sira kona ba julgamentu ba kazu seluk neebe mak atu lao. Maibe tanba deit julgamentu ba kazu refere seidauk hotu, entaun juiz tenke adia fali ba loron seluk ho razaun tanba deit sei prezide hela kazu neebe seidauk hotu. Informasaun kompletu iha STL Jornal no STL Web, edisaun Sesta (30/9/2016). Domingas Gomes

LEAVE A REPLY

Please enter your comment!
Please enter your name here