DILI– Prosesu ba Kazu Kibata, Komadante Serbisu Investigasaun Kriminal Nasional (SIKN), Calisto Gonzaga hateten tenki iha provas ba Kibata, Dewa Mabuk, Moster ho Mager, la bele hasai informasaun arbiru karik laiha provas.
Ba Jornalista sira, Calisto dehan iha sosidade balun maka hasai naran hirak ne’e, hodi halo preokupasaun bo’ot ba publiku, tamba ne’e nia husu ba sira nebe iha ka hetan provas konaba isu hirak ne’e, tenki fo hatene ba parte kompotente atu toma atensaun.
Tamba iha sosidade sivil balun maka hasai ema sira nee nia naran, hodi halo perkupasaun bot ida ba Publiku, no ami agradese, maibe labele hasai deit ema nia naran maibe tenke iha provas para ita hare, karik imi hasai maka imi tenke iha provas no informasaun ne’e mai netik para ita bele halo Dilezensia ka halo prosesu iha fatin ida nee ho titular, no liu hosi fatin sira nee maka ita bele hatene grupu atunee organizadu duni ka lae no rezistu duni iha nee ka lae, dehan Komadante Investigasaun nee ba STL, Kinta (21/11/2013) iha nia knar fatin Kuartel Jeral PNTL Caicoli Dili.
Iha parte seluk, Reprezentante povu iha uma fukun Parlamentu Nasional (PN), Deputadu Mateus de Jesus hatutan, lolos nee atu halo prosesu investigasaun ba kazu ruma maka tenke iha uluk provas nebe forte atu nunee prosesu nee bele lao diak. Informasaun kompletu iha STL Jornal no STL Web, edisaun Sabado (23/11/2013). Madalena Horta