DILI-Governu Korea liu husi Ajensia Coperasaun Internasional Korea (COICA), fo apoiu ba Governu Timor Leste hodi kapasita forsa marina F-FDTL no Polisia Maritima atu tuir treinamentu ba protesaun rikusoin TL iha tasi okos no tasi leten.
Apoiu ne’e COICA fó liu husi akordu Memorandum of Understanding (MoU) nebe asina husi Sekretariu Estadu Defeza, Julio Tomas Pinto, Sekretariu Estadu Siguransa, Fransisco Guterres no Reprezentante KOICA-Koreia, Hyun Jin Joo, akompanha husi Primeiru Ministru Nudar mos Ministeiru Defeza ho Siguransa Kay Rala Xanana Gusmão no Maijor Jeneral Lere Anan Timor.
Akordu MoU nebe SED no SES asina ho COICA –Koreia hodi fo treinamentu parte forsa Naval no polisia Maritima, atu ba tuir treinamentu iha Koreia kona-ba oinsa halo siguransa ba protesaun rikusoin Timor Leste iha Tasi Timor. Hau agoradese ba akordu MoU ne’e atu treina ita nia militar no polisia iha area importantenta konserbasaun ba tasi okos no hare buat nebe sira bele kontribui ba tasi, hateten PM Xanana nebe mos kaer pasta hanesan Ministru Defeza Siguransa, liu husi nia deskursu, iha Palasiu Governu, Kuarta (02/10/2013).
Nia hatutan, tempu to’o ona ba Timor Leste atu proteza rikusoin iha tasi leten no tasi okos, hodi garante riku soin sira nee la bele lakon no hetan estragus. Atu garante rikusoin la bele lakon, parte F-FDTL no PNTL maka sei garante siguransa, tanba Timor Leste nia tasi ohin loron bele dehan, estraga tanba la hetan proteze diak. Informasaun kompletu iha STL Jornal no STL Web, edisaun Kinta (03/10). João Anibal