Provizoriu CNRT Lidera Votus Iha Manufahi

DILI, STLNEWS.co – Oras nee daudaun apuramentu munisipial sei kontinua lao hela iha Munisipiu Manufahi, maibe provizoriu Partidu CNRT mak lidera ho votus 11 mil resin.

Informasaun nee hatoo husi Administrador Munisipiu Manufahi, Arantes Isac Sarmento katak, agora daudaun prosesu apuramentu sei lao hela, tanba kaixa husi sentru votsaun tama hotu ona, hein prosesu apuramentu sei kontinua lao, atu nunee insert hela baze de dadus.
I dadaun nee kaixa husi sentru votasaun sira iha Munisipiu Manufahi tama hotu ona iha munisipiu hamutuk 115 sentru votasaun, neebe prosesu apuramentu lao hela, i provizoriu CNRT lidera hela, neebe hein katak oras tan sei remata.

“Provizoriumente CNRT mak lidera iha apuramentu distrital ho votus iha 11 mil resin, tuir fali FRETILIN iha votus 7 mil resin, tuir mak PD ho votus 4 mil resin, enkuantu dadus kompletu bele konfirma ho STAE Manufahi,” informa Administrador Munisipiu Manufahi Arantes Isac Sarmento ba STL, Segunda nee (22/05/2023) liu husi via telefone iha Manufahi.

Enkuantu konaba situasaun dezde kampanha mai too agora kontroladu, tanba manufahi iha kultura rasik, normalmente akontese kedas iha beiala sira lori mai, diferente politika nee normal, depois iha tempu kampanha idak-idak bele parstipa too loron eleisaun komunidade sira idak-idak ba ezerse direitu de votus, neebe agora eleisaun hotu ona agora situasaun kontinua hakmatek i povu idak-idak kontinua halao sira nia atividade, agrikultor halao sira nia servisu, neebe negosiu halao sira nia negosiu, i ba sira neebe funsionariu hein Tersa aban komesa halao fali sira nia servisu.

Neebe situasaun lao normal, komunidade sira laiha odiu no vingansa, tanba iha kultura respeita no rona malu, neebe kultura respeita malu forti tebes iha Manufahi.

Tuir nia, dadus neebe kompletu bele konfirma ho Diretor STAE Munisipiu Manufahi nian mak dadus kompletu konaba eleitores nomos partidu politiku sira nia votus.

(gui)

LEAVE A REPLY

Please enter your comment!
Please enter your name here