AMBENO-Provizoriomente, Arsenio Paixao Bano asumi knar nudar Presidenti Autoridade (PA) RAEOA no ZEESM TL iha Ambeno. Arsenio simu knar nee hafoin Mari Alkatiri sai Primeiru Ministru VII Governu Konstitusional. Desizaun nee foti liu husi reuniaun membrus autoridade. Sira hotu konkorda no desidi katak, provizoriomente Arsenio sai nudar PA RAEOA no ZEESM TL iha Ambeno, Oecusse.
Hau simu ona knar husi Prezidenti Autoridade RAEOA no ZEEMS TL husi Mari Alkatiri tamba nia sai ona Primeiru Ministru ba VII Governu Konstitusional, periode 2017-2022,” hateten Arsenio ba jornalista hafoin partisi loke abertura Programa Oecusse Business Incubator iha Ambeno, Segunda (18/9/2017).
Knar nee nia halao hein too PA RAEOA no ZEESM TL foun. Ho konfiansa nee, Arsenio sei halao servisu neebe Mari Alkatiri husik hela. “Hau sei servisu hamutuk ho hau kolegas membrus autoridade tomak secretariu rejional sira nain 6 inklui hau I mesmu mos toma konta ho parte edukasaun nian mais ate presidenti autoridade simu ona pose nudar PA RAEOA hau sei servisu hamutuk ho kolega secreatariu sira atu lori oecusse nee servisu lao nafatin I lao hanesan bai-bain, programa hot-hotu oecusse ninian servisu tomak oecusse ninian, iha sentral primeiru ministru mak agora kaer dadauk presidenti PA RAEOA nian nnia mak sai primeiru ministru I servisu mos hahu ohin lao ona.
Entaun hau mos hahu halao servisu hanesan PA RAEOA no ZEESM TL nian I Hau simu knar despaixo husi presidenti autoridade RAEOA nian husi Dr. Mari Alkatiri i agora dadauk nia sai primeiru ministru atu substitui nia atu kordena servisu iha oecusse atu halao servisu neebe maka durante nia halao too guverno propoin fali presidenti autoridade foun, jadi bainhira nia mai oecusse atu asumi knar nee nia sei mai, tamba hau substitui deit, mas bainhira nia mai hanesan primeiru ministru, entaun hau maka toma konta ba oecusse I halao knar sempre simu orientasaun husi nia, como nia servisu barak ona sei halo preparasaun ruma iha guvernu sentral depois sei mai fali iha oecusse, mais ate buat sira sai klaru presidenti iha reuniaun ida ho secretariu sira hotu depois nia desidi hau maka substitui nia atu halao servisu knar PA RAEOA nian nee iha oecusse,” hateten Arsenio.
Konaba durasaun halao knar nee, katak Arsenio, nee konforme husi primeiru ministru atu haree diresaun hotu, mas ate buat ruma, hau maka sei responsabiliza servisu tomak iha oecusse I depois sei nafatin fo laporan ba Mari Alkatiri. ita laiha opsaun seluk ka dalan seluk la iha, oecusse atu ba oin nee ita tenki servisu hamutuk ho secretario rejional sira povo ho sosiedade sivil inklui seguransa sira tenki servisu hamutuk, ita nia politika ba partidu nian nee liu ona kampania mos liu ona, agora iha guverno foun ona neebe tempu agora hamutuk atu hare lori oecusse sai diak liu tan, kontinua servisu iha oecusse hanesan kontinua servisu ba Timor Leste. Se Oecusse diak, Timor Leste mos diak”.
Husi parte seluk, Direktur DIT Oecusse Lamberto Salu hateten, desizaun refere diak. I substitui nee mai husi Oecusse oan, signifika katak governu sentral komesa fo fiar ona ba Oecusse oan. “Hau hanoin ida nee diak ona maski la too tempu naruk, mais maiju menus bele aprende, oinsa sai Prezidenti Autoridade RAEOA no ZEESM TL,” nia dehan.
Nia apelu ba komunidade Oecusse tomak, atu labele senti katak kargu nee ba Arsenio deit maibe ba Oecusse oan tomak. PA RAEOA no ZEESM TL Oecusse oan mak substitui, ita tenki orgulho. Oecusse oan maka jere rasik.
Nia sujere, kargo Secretario RAEOA, diak liu entrega ba Oecusse oan hotu. Ida nee laos rasismu maibe diak liu tan Oecusse oan hotu tamba oecusse oan barak mak matenek tamba ita hare balu servisu iha guvernu foin mak ita hatene afinal balu servisu mos iha ajensias internasional sira ho experiensia diak tebes maibe ita nunka konhese sira nee mak hau hanoin diak liu agora husi direktur no xefi departementu sira ba too secretariu rejional sira oecusse oan mesak mak jere nia nia rejiaun hodi nunee para sir abele aprende ona ba loron futuru,
Entretantu Armindo dos Reis Santos (sosiedade sivil) senti orgulhu tamba PA RAEOA no ZEESM TL Mari Alkatiri fo fiar ba Arsenio Bano hodi lidera provizoriu Oecusse. “Hau senti ida nee fiar boot ida I susar ba ema hotu atu hetan, importante husu ba Sr, Arsenio tenki kaer didiak kargu ida nee, neebe maka Dr. Mari fo fiar mai ita nudar oecusse oan, senti orgulho tebes importante maka saida mak halo diak ona liu-liu ba kualidade konstruksaun sira iha oecusse maski buat balu neebe falha maski internasional mak kaer mas kualidade sedauk iha maibe persiza atu hadia i mos administrasaun governu nian durante nee lao seidauk diak. Nee persiza”. Abilio Elo Nini