Relasiona Kampaina Kanprez, Tirilolo Sedauk Hetan Karta Rekonhesementu

BAUCAUAutoridades Suku Tirilolo, Baucau, too agora seidauk hetan karta rekonhesementu ruma husi kanprez atu halao kampaina iha Tirilolo.

Xefe Suku Tirilolo, Ricardo Ernesto Belo ba STL iha Tirilolo, Kinta (9/3/2017) hateten, desde hahu kampaina, too agora, sira nia suku seidauk simu karta rekoinesmentu husi kandidatura nain 8 (Antonio Maher Lopes, Francisco Guterres Lu-Olo, Amorin Vieira, Jose Antonio de Jesus das Neves, Jose Luis Guterres, Luis Alves Tilman, Angela Freitas no Antonio da Conceicao).

Karik sira fo karta rekonhesementu ba suku, nia espera, bele kolobora ho diak hodi halo sira nia kampaina ho susesu. I kandidatus hot-hotu, atu halao kampanha eleitoral iha sira nia suku ruma, nia husu tenki respeitu ba unidade nasional. Nudar autoridades suku, nia lakohi akontese buat ruma. Komunidade respeita ona unidade nasional, nia lakoi, lideres sira tun para sobu fali. “Ida nee ami lakohi atu mosu tan,” nia dehan.

Nia husu husu ba komunidades Suku Tirilolo atu partisipa masimu iha festa demokrasia nebe sei halao dadaun iha loron 20 de Marsu mai. Iimi nia votus importante atu deside kandidatus sira nee atu sai ba prejidente republika periode mai.

Too oras nee dadaun ami sedauk simu karta rekunhesementus ruma husi kandidatus sira nebe iha ona atu ba halao kampanha eleitoral iha ami nia suku neba. Nunee mos husu ba kandidatus sira atu respeita unidade nasional nebe maka oras nee dadaun iha ona munisipiu Baucau nian,”nia dehan.

Xefe Aldeia Caisidu, Carlos de Assis Belo dehan, husi programa no planu husi kandidatus prejidente da republika nain ualo nee iha ona. Nunee mos programa no palnu hirak nee fira rasik fo sai ona husi media local nebe iha. Tamba liu husi festa demokrasia nebe mosu mai nee povu maka bele desidi prejidente republika foun nebe maka sei deside iha elisaun mai.

Maibe nudar lideransa local prontu fo apoiu ba iha kampanha leitoral nebe halao. Tamba nee husu mos ba komunidades hotu nebe iha aldeia neba atu partesipa diak iha elisaun ida nee.

Ami nudar lideransa komunitaria pronto fo informasaun kona ba kampanha eleitoral ba kandidatus sira nomos konaba elisaun nebe atu mai. husu sira nia partesipasaun masimu iha festa demokrasia ida nebe atu mai,”nia kualia.

Luis F. da Costa nudar komunidade husi Suku Tirilolo mos pronto kontribui ba festa demokrasia ida nee liu husi kampanha, elisaun nomos fo kontribuisaun ba seguransa atu bele iha estabilidades no pas iha suku ida nee. Maibe husu deit ba kandidatus hotu atu kampanha karik kualia deit ba programa no planu karik povu desidi sai prejidente republika periode nebe mai. “Ami nudar ema komunidade pronto atu partesipa iha festta demokrasia nebe atu mai iha loron 20 de Marsu mai. nunee mos ami pronto apoiu masimu ba seguransa no estabilidades atu bele hamosu pas iha festa ida nee,”nia dehan. Est-4

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...