LAGA–Restu mortais hamutuk 519 oras ne’e halibur hamutuk ou rekolha ona hosi komisaun organizadora, hodi hamutuk iha rezidensia privada eis gerileriu Cornelio Gama L-7.
L-7 ba jornalista sira iha nia hela fatin Laga, distritu Baucau hateten sira rekolha ona restus mortais hamutuk 519, nune’e hein deit atu governu hare fatin hodi halot sira nia ruin.
Ami rekolha ona ita nia herois sira nia ruin hamutuk 519 ne’e ita rekolha seidauk hotu depois rekolha hotu tiha mak ita kolia ho governu atu hare fatin ida hodi halot sira nia ruin ne’e tanba ami uluk halo juramentu iha ailaran katak wainhira hau mate o mak hasai no o mate hau mak hasai, hatete L-7 ba jornalista sira iha ninia hela fatin, Sub-Distritu Laga, Distritu Baucau, Tersa (03/12).
Iha fatin hanesan Prezidente Republika, Taur Matan Ruak, hatete estadu Timor Leste fo ninia apoiu tomak hodi kontinua halibur herois sira nia ruin, hodi halot ho dignidade tanba sira mak heroi ba nasaun ida ne’e. Informasaun kompletu iha STL Jornal no STL Web, edisaun Kinta (5/12/2013). Thomas Sanches