DILI- Relasiona ho rezignasaun Primeiru Ministru (PM) Kay Rala Xanana Gusmao nebe sei halao iha 2015, sei la fo inpaktu ba iha Kestaun seguransa tamba rezignasaun ne’e atu transforma poder ba Jerasaun foun.
Informasaun ne’e fo sai husi Prejidente Partidu Fretilin Francisco Guterres “ LU-OLO” katak rezignasaun nebe maka Primeiru Ministru Kay rala Xanana Halo sei la fo impaktu ba seguransa iha Nasaun Timor Leste.
Hau hanoin rezignasaun nebe mak iha sei la fo impaktu ba Seguransa iha ita nia rai tamba nia (Xanana red) iha boavontade entre politku liu-liu jerasaun tuan sira atu lori prosesu ida nebe lao diak ho estabilidade tomak, dehan Prejidente Partidu Fretilin Francisco Guterres “LU-OLO” ba Jornalista Sesta (20/12/2013) iha Uma Fukun PN.
Nia esplika tan katak atu halo tranjisaun nebe mak kapas tebes no furak ba jerasaun foun sira, liu ba iha nasaun Timor Leste, rejignasaun nebe iha Primeiru Ministru ninian maibe postura politika nebe hola mesak.
Iha Parte seluk Vice Prejidente Komisaun B PN Duarte Nunes hatete rezignasaun nebe mak Primeiru Ministru Kay Rala Xanana Gusmao atu halo, sei la fo impaktu ba kestaun Seguransa. Informasaun kompletu iha STL Jornal no STL Web, edisaun Sabado (21/12/2013). Timotio Gusmão