DILI– Relasiona ho Rezignasaun Primeiru Ministru (PM) Kay Rala Xanana Gusmao nebe sei halao iha tempu badak, Partidu Demokratiku no Partidu Frente Mudansa Konsidera sei fo Impaktu ba iha Ejekusaun Orsamentu Jeral Estadu (OJE) 2014, maibe Parte CNRT senti laiha problema tamba makina estadu ho kargu politika la hanesan, tan ne’e Administrasaun kontinua lao nafatin.
Tuir Vice Prezidente Bankada PD iha uma Fukun Parlamentu Nasional (PN) Adriano João Informa Primeiru Ministru deklara ona ba publiku katak sei halo rezignasaun, maibe seidauk hatene lo’os wainhira maka akontese.
implekasaun ba jeral Estadu hau hanoin iha ninia impaktu mos tamba xefi governu ida rezigna Aan automatikamente governu ida nee’e sei forma foun tan nee’e ita sei hare ninia implikasaun orsamentu 2014 ninian, dehan Vice Prezidente Bankada PD Adriano Joao ba STL Segunda (10/02/2014) iha uma Fukun PN.
Nia Esplika tan katak iha Artigu 8 kona ba ejekusaun Orsamentu Jeral kuandu to’o iha Setembru maka membru governu ida ejekuta seidauk to’o 80%, sei iha retifikasaun orsamentu tamba laiha kapasidade atu ejekuta to’o hotu.
Iha fatin hanesan Deputada Bankada Frente Mudansa Maria Adozinda Pires katak kona rezignasaun PM Kay Rala Xanana Gusmao, to’o agora bankada Frente Mudansa nia hare foin mak informal. Informasaun kompletu iha STL Jornal no STL Web, edisaun Tersa (11/2/2014). Timotio Gusmão