Rezolve Fronteira Oecusse, TL-RI Fokus Ba Segmentu Rua

DILI-Governu Timor Leste (TL) no Republika Indonesia (RI), agora dadaun rezolve hela fronteira terestres ba segmentu rua iha Regional Oecuse. Nee remata tiha, depois mak haree fali fronteria maritime (FM) nian, inklui FM area Atauro no area Ilha Jaco.

Kestaun nee hatoo husi Ministru Negosiu Estranjeiru e Koopersaun (MNEK) Hernani Coelho hafoin remata seminariu Autoridade Maritima iha Kuartel Jeral F-FDTL, Fatuhada, Dili, Kuarta (22/2/2017).

Relasiona ho asuntu fronteira segmentu 2 iha Oecusse, nia dehan, semana ida nee, governu TL sei halao enkontru iha Bali hodi koalia konaba tekniku husi anivel de tekniku husi TL no Indonesia.

Entretantu, observador politika husi UNPAZ, Luis Nunes hateten, TL nia luta seidauk hotu. Uluk luta hodi hetan indepedensia, agora kontinua luta hodi hetan soberania. Nudar nasaun soberania, TL tenki iha soberania tasi, rai no lalehan (udara). Se asuntu tolu nee la kompletu, maka TL nia indepedensia seidauk kompleta.

Konaba problema fronteira raimaran iha Oecusse, nia fiar, governu TL no RI sei kontinua rezolve. Ho Indonesia bele fasil rezolve, mais problema boot nee mak ho Australia.

Tamba nee, sidadaun hotu tenki kontinua suporta lider politiku sira hodi resolve. Se lae, Australia bele hadau hotu ita nia riku soin iha tasi laran, liliu migas,” hateten Luis.

Haktuir ba nee, nia husu ukun nain sira tenke focus, para rezolve problema soberania TL nian. Labele impede ho interesaun politika ruma, se iha lider politiku balu mak hakarak impede, maka kestaun soberania TL nian, sei lalao ba oin.

Ativista Santino de Olivera hateten TL nia vizinu maka Australia no Indonesia. Atu resolve fronteria maritima ho treste nee, nia haree ulun moras.Joao Anibal

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...