DILI—Komisaun Anti Korrupsaun (KAK), Provedoria Direitus Humanu no Justisa (PDHJ), no Komisaun Funsaun Publiku (KFP), esplika sira nia papel ba funsionariu publiku husi Gabinete Primeiru Ministru (GPM), tanba iha risku ba iha korupsaun mosu iha instituisaun governu.
Tuir, Ministru Estadu no Prezidente Konsellu Ministru, Agio Pereira ba Jurnalista iha Palasiu Governu, Dili, Tersa (27/8), Direitor no ninia funsionariu sira tenke buka atu komprende lei, no tenke iha familiar ho lei hodi nune’e labele monu ba iha tentasaun, bainhira sira lahatene lei maka, perigu boot.
Ita nia Primeiru Ministru (PM), Kay Rala Xanana Gusmao repete bebeik ba iha membru governu no funsionariu sira katak atu kaer knar estadu tenke tuir lei, laos deit ba iha direitor sira maibe ba mos membru governu sira tenke familiarize ho lei. Se ita laheten lei ida ne’ebe relevante ho aktividade ida ne’e ho ida ne’eba, ita sempre iha perigu boot no bele ba to iha tribunal, hatete Agio.
Nia informa tan, atu tulu funsaun publika bainhira tenke komprende lei, senifika katak atu bele tulun tebes estadu ho saudavel. Razaun ida ne’e maka husi instituisaun tolu hanesan PDHJ, KFP, ho KAK mai fo sira nia esplikasaun atu oinsa funsionariu bele komprende ho didiak. Informasaun kompletu iha STL Jornal no STL Web, Kuarta (28/8). Oscar Salsinha