DILI – Membru Parlamentu Nasional (PN) kritika maka’as filmazen semi pornografi hatudu iha telvizaun RTP, ne’ebe servisu hamutuk ho TVTL, tanba tuir sira filmajen ne’e eduka labarik sira atu sai at.
Informasaun ne’e hato’o hosi membru Parlamentu sira iha uma fukun Parlamentu Nasional (PN) liu hosi Plenaria, Tersa (22/10).
Vida joven sira nian ne’e ita ba iha bar no hotel sira iha labarik minoridade barak mak iha neba ida ne’e nia impaktu mai hosi ne’ebe ne’e mai hosi telvijaun ne’ebe labarik sira hare ne’e se telvijaun ne’e nia programa edukativu entaun ema sei aprende tuir ida ne’e tanba ema barak mak hare tanba kuandu ema hare bebeik entaun nia komesa halo pratika tanba filme ne’ebe hatudu iha RTP ne’e ema bot nian, hatete Cessar Valente de Jesus.
Deputadu ne’e mos hatutan tankatak husu ba RTTL ne’ebe servisu hamutuk ho RTP atu loke filmajen ne’ebe mak edukativu laos loke fali filme semi pornografi hodi fo impaktu ba labarik ki’ik sira.
Iha fatin hanesan prezidente komisaun G, Mateus de Jesus, ne’ebe trata asuntu konaba etika hatete lolos ne’e filmajen ne’ebe hatudu iha telvijaun RTP ne’e la merese atu hatudu iha Timor Leste. Informasaun kompletu iha STL Jornal no STL Web, edisaun Kuarta (23/10). Thomas Sanches
