DILI-Arguida Navida hanesan aluna escola São Miguel Arcanjo tenki sai arguida no ba hatan iha tribunal, tanba deit atu salva nia bin husi nia kaben nebe baku iha kuartu laran.
Tuir akuzasaun nebe le’e sai husi juis Jose Maria Araujo katak, lezadu Antonio Soares hanesan arguida nia maun, tanba lezadu hola kaben arguida nia bin Josefa da Silva. Iha loron 21 Maio 2013 arguida lori tudik atu sona lezadu, maibe lezadu hadau tudik nee.
Arguida foti fali fatuk tuda odamatan halo rahun no halo rahun tan kadeira ida ho folin US$ 15. Ho hahalok nee MP, akuza arguida ho krime violensia domestika ho krime ofensas integradu fisiku simples tuir kodigu penal TL.
Hafoin rona akuzasaun arguida deklara katak, nia intensaun lori tudik nee laos atu sona lezadu, maibe momentu ne’e arguida nia bin mak hakilar bolu nia husu ajuda. Nune’e arguida lori tudik atu selok odamatan nee tanba odamatan xavi hela.
Maibe hau selok ladiak, nunee hau foti fatuk hodi tuda, nemak nia sai mai hadau tudik husi hau sona kona hau nia liman kabun, hau mos la halo kadeira rahun ida, katak nia ba tribunal.
Iha fatin hanesan Antonio Soares hanesan lezado hatete, momentu nee nia problema ho ferik oan, maibe arguida mos mete hotu hamutuk ho nia bin hodi kontra fali nia, atu oho nia, halo sasan rahun hotu no duni nia sai husi uma. Informasaun kompletu iha STL Jornal no STL Web, edisaun Sesta (14/2/2014). Domingas Gomes