Sarani Rihun Simu Sinzas

MALIANASarani rihun simu sinzas iha Igreja Paroquia Santa Cruz Maliana mak Pro Catedral Sagrado Curasaun de Jesus Maliana, Kuarta (1/3).

Misa Kuarta Sinzas nee dirijido husi Padre (Pe) Paroqu Santa Cruz Maliana, Pe. Valerio Gusmão Lesu, Pr. Iha ninia omilia, Pe. Valerio esplika, Kuarta Sinzas nudar loron dahuluk tama ba tempo koresma hodi hanoin hikas Jesus nia terus, mate no moris hias husi mate.

Sinzas mos nudar simbol ida ba ema kriatura. Katak, maromak halo ema hosi rai, tempo ida sei fila ba rai. Tamba nee, kada ema iha obrigasaun simu ahuk desan.

Tuir dutrina igreja katolika universal, tama ba tempo koresma, sarani sira labele han na’an iha loron Kuarta no Sesta,  no redus halao actividade pesta. Durante tempo koresma, ema ida-idak tenki iha konsensia atu hamos sala mak durante tinan tomak komete antes tama ba paskoa. Tamba nee husu sarani ida-idak ho nia konsiensia hakbesik ba igreja, hodi hamos  sala liu hosi konfesa. Sarani balu mak iha naksala, iha tempo koresma nee atu fo perdua ba malu.

Nudar sarani, tenke hamos ida-idak nia sala antes tama ba festa paskoa. Sarani ida-idak prepara an, badinas ba misa kada loron Domingo, loron bo’ot festa igreja katolika univeral, kaben nain sira promesa iha altar santa lao tuir lo-los.

Sarani ida-idak tenki loke fuan no laran atu fo perdua ba malu,” Pe Valerio  hatete.

Alende nee, kada ema tenki halo reflesaun ba ninia vida no relasaun pesoal ho ema seluk. Gabriela Santos Silva valoriza, iha tempo ukun an, nia haree ema ladun hadomi malu. Realidade hatudu katak, ema fasil baku malu no oho malu arbiru iha fati–fatin. Ema barak forma familia, simu sakramento kazamento iha igreja, jura iha altar santa nia oin, maibe liu tia fulan ida-rua, soe malu.

Nee hatudu katak, iha tempo ukun an, ema nia moral, ema nia hanoin atu hadomi malu, bele dehan, mihis los. Tamba nee ema fasil baku malu, oho malu, no asalta malu kuaze akontese iha fatin hotu,” Gabriela hatete.

Fernando dos Santos mos haree, iha tempo ukun an, ema nia konsiensia atu kontribui, voluntariamente ajuda ema seluk, menus ona. Dutrina moral ne’ebe igreja hanorin, menus liu ona, Joven balu ba igreja laiha konsentra hanoin misa maibe konsentra ba facebook.

Atu rezolve problema degradasaun moral sira hanesan nee, nia husu igreja tenke hamutuk ho governo hodi halo edukasaun moral ba kada familia. “Joven barak mak ba igreja iha misa laran book mak telefone deit, sira laiha konsentra hnoin ba maromak. Ita nia foinsae ninia moral menus ona, satan ba tinan 10 mai tan at liu tan,” Fernando hatete. João Mau Leto

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...