Selebra Loron Restorasaun Ba Dala XIV, Governu Aloka Orsamentu Rihun 50

DILI-Selebra loron Restorasaun Indepedensia ba dala XIV (20 Maio 2016), iha Munisipiu Ermera, Governu aloka orsamentu ho montante rihun 50. Iha komemorasaun nee mos Prezidente Republika (PR) Taur Matan Ruak, sei kondekora asuwain sira balun.

Lia hirak nee hatoo husi Prezidente Komisaun Organizadora ba Seremonia 20 de Maio, Dionisio Babo, ba jornalista sira, hafoin remata enkontru ho Prezidente Republika Taur Matan Ruak, iha Palasiu Prezidensial, Aitarak Laran, Dili, Tersa (17/05/2016).

Timor Leste selebra loron 20 de Maiu iha Munisipiu Ermera, tamba nee Governu liu husi Ministeru Estatal aloka ona orsamentu ho montante rihun 50, tuir lolos la too rihun 50, maibe Prezidente Republika iha biban nee sei fo kondekorsaun ba asuwain sira, ami tenki hare hotu ida nee, needuni ami tenki tau oasan too rihun 50 nee, neduni agora ami komisaun organizadora prepara fatin too ona 95%,” hateten Dionisio.

Prezidente Komisaun Organizadora hatutan, komemorasaun nee laos iha deit Ermera, maibe iha Munisipiu sira seluk mos komemora hotu, tamba nee ba aloka orsamentru Munisipiu 13 tomak ho montante rihun 120, maibe ba Munisipiu Ermera deit maka rihun 50.

Iha parte seluk Ativista Ricardo da Costa hateten governu ho planu neebe diak hodi realiza loron importante sira nee iha Munisipiu hotu, hodi hametin povu nia fiar ba ukun rasik aan ida nee. Informasaun kompletu iha STL Jornal no STL Web, edisaun Kuarta (18/5/2016). Joao Anibal

LEAVE A REPLY

Please enter your comment!
Please enter your name here