DILI-Komisariu Komisaun Anti Korupsaun (KAK) Aderito de Jesus Soares husu ba diretur geral nomos fungsionario hotu, atu servisu hamutuk ho KAK para bele prevene no kombate korrupsaun iha Timor Leste.
Liu husi diskursu, Komisario KAK Aderito hatete, korupsaun hanesan moras at ida, laos deit iha Timor Leste maibe iha mundo tomak mos infrenta. Oras nee korupsaun sai hanesan preokupasaun boot ba mundo tomak.
Korupsaun bele halo povu sai kiak, liutan estadu bele sai fraku liu. Tanba instituisaun estadu barak lakon sira nia kredibilidade. Nee laos komitmentu KAK nian deit, maibe presija kolaborasaun entidade hotu atu prevene moras at nee, dehan Aderito liu husi deskursu, komemorasaun loron mundial kontra korupsaun iha Centru Convençoes de Dili, Segunda (09/12).
Nia hatutan tinan ida nee, KAK konsege halo peskiza hamutuk ho ekipa, kolabora mos husi estudante husi fat-fatin no hetan ajuda husi agenti internaisonal hodi halo peskiza iha Timor Laran tomak.
Iha Fatin hanesan, Vice Primeiru Ministru Fernanda La Sama hatete, atu lori povu ho nasaun ida nebe ba ema hotu nia hakarak hodi hatudu identidade nasaun nian. Buat korupsaun nee buat fasil ida atu ema halo duni, bainhira ema nia ambisaun bot liu nia forsa. Informasaun kompletu iha STL Jornal no STL Web, edisaun Tersa (10/12/2013). Domingas Gomes